گردشوں کو مل نہیں سکتا غبارِ فاطمہ

گردشوں کو مل نہیں سکتا غبارِ فاطمہ

بچہ بچہ دین کا ہے جاں نثارِ فاطمہ

اس کی چکی سے زمانے بھر کو ملتی ہے غذا

حشر تک قائم رہے گا اقتدارِ فاطمہ

مغفرت ہی چاہتے ہو تو گنہگارو چلو

سیدھے جنت کو گئی ہے رہ گزارِ فاطمہ

آسماں حیرت زدہ ہے یہ زمیں ہے اشک بار

لٹ رہا ہے دشت میں باغ بہارِ فاطمہ

آیتِ تطہیر سے اللہ نے ثابت کیا

ہے کلامِ پاک بھی تو راز دارِ فاطمہ

اس لیے ہم نے سجالی شان سے محفل ظفرؔ

دیں گے نشتر بالیقیں خاک دیارِ فاطمہ