نہایت شوق ہے مولیٰ معین الدین چشتی کا
دلچسپ معلومات
منقبت در شان غریب نواز خواجہ معین الدین چشتی (اجمیر-راجستھان)
نہایت شوق ہے مولیٰ معین الدین چشتی کا
بہت مشتاق ہے بندہ معین الدین چشتی کا
بڑی سرکار عالی خواجۂ ہندالولی کی ہے
بڑا دربار ہے خواجہ معین الدین چشتی کا
درِ دولت پہ اہلِ چشت کے جب جبہ رسائی کا
تو میں نے پایا دروازہ معین الدین چشتی کا
غلامِ قادری ہے بندہ لیکن حکمِ قادر سے
ہوا حکمی غلام آقا معین الدین چشتی کا
محی الدین قادر کا قدم ہو میری گردن پر
رہے سر پر مرے سایہ معین الدین چشتی کا
تمنائیں دل پر آرزو کی دم میں بر آئیں
رہوں ہر دم میں دم بھرتا معین الدین چشتی کا
خدا کا نور رحمت اس میں چھن چھن کر برستا ہے
کہ دل بادل ہے نمگیرا معین الدین چشتی کا
گدا آتے ہی لنگر خانہ میں ابدال ہو جائے
جو کھاوے دال اور دلیا معین الدین چشتی کا
شراب چشت دل سے جوش کھا کر منہ سے لیتے ہیں
مذاقؔ ایسا ہے متوالا معین الدین چشتی کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
