پیام لے کے جو آئی صبا مدینے سے

پیام لے کے جو آئی صبا مدینے سے

مریض عشق کی لائی دوا مدینے سے

سنو تو غور سے آئی صدا مدینے سے

قریں ہے رحمت و فضل خدا مدینے سے

ملے ہمارے بھی دل کو جلا مدینے سے

کہ مہر و ماہ نے پائی ضیاء مدینے سے

مدینہ چشمۂ آب حیات سے یارو

چلو ہمیشہ کی لے لو بقا مدینے سے

ہمارے دل کو تو بھایا ہے طیبہ ہی زاہد

تمہیں ہے مکہ تو ہوگا سوا مدینے سے

ہمارے دل کو تو بھایا ہے طیبہ ہی زاہد

تمہیں ہے مکہ تو ہوگا سوا مدینے سے

ترے حبیب کا پیارا چمن کیا برباد

الٰہی نکلے یہ نجدی بلا مدینے سے

ترے نصیب کا نوری ملے گا تجھ کو بھی

لے آئے حصہ یہ شاہ و گدا مدینے سے