na mujh se chhuuTegaa un kaa daaman na mujh ko bhuulegaa naam-e-ashraf

na mujh se chhuuTegaa un kaa daaman na mujh ko bhuulegaa naam-e-ashraf

mai.n banda-e-be-diram huu.n un kaa azal se huu.n mai.n Gulaam-e-ashraf

mai.n un kii mid.hat bayaa.n karuu.n kyaa ki saare aalam me.n hai ye shohrat

mujaddid-e-vaqt thaa jahaa.n me.n buland-tar hai maqaam-e-ashraf

unhii.n kii mahbuubiyat kaa naa'ra-e-malaa.ika ne falak pe maaraa

zamii.n hii ye shaan-e-Gaus-e-a.alam falak pe vo ehtiraam-e-ashraf

janaab ke vaalid mua'zzam ne KHvaab me.n dekhaa ki mustafaa

ye dii bashaarat ki ham ne rakhaa hai naam un kaa banaam-e-ashraf

zamii.n pe rauza hai yaa falak par kuchh us kii rif.at pe kah rahii hai

ko.ii falak kaa hai ye jo Tuk.Daa jahaa.n banaa hai maqaam-e-ashraf

jo vahdat-e-aabaad jaa-e-KHalvat to kasrat-e-aabaad jaa-e-jalvat

kahii.n hai vahdat kahii.n hai kasrat ajab hai dilkash nizaam-e-ashraf

jo ruuh-e-aabaad jaa ke dekho to sair-e-ruuhii kaa lutf aa.e

jo baiTho daar-ul-amaa.n me.n jaa kar to paa.o daa.n faiz-e-aam-e-ashraf

bane jahaa.ngiir Gaus-e-'aalam jahaa.n ke auliyaa ke afsar

valii zamaane ke zer-e-farmaa.n mutii.a-e-ahkaam-e-aam-e-ashraf

kisii ne taariiKH arsh-e-akbar banaa-e-rauza kii kHuub likhii

hamaarii nazro.n se ko.ii dekhe falak se baalaa-e-baam-e-ashraf

adaalat-e-sub.h-o-shaam dekhe jo ko.ii darbaar-e-ashrafii me.n

to bol uThe ki allaahu allaahu ajiib hai intizaam-e-ashraf

kahii.n to janaab jal rahe hai.n kahii.n kHabbaa.is ta.Dap rahe hai.n

kisii ke sar boltaa hai jaaduu likhuu.n mai.n kyaa faiz-e-ilam-e-ashraf

charaaG rauza se le ke kaajal lagaa.e.n aa.nkho.n me.n apne a.amaa

to aa.nkhe.n ho jaa.e.n un kii raushan ye hai karaamaat-e-aam-e-ashraf

ye chashma-e-nayyar gard-e-rauza baab-e-shifaa-o-saaf jaarii

mariiz piite hii hoe.n achchhe ayaa.n ye faiz-e-aam-e-ashraf

savaaro kaa.ii ko nayyar ke bhii KHudaa ne baKHshii hai ye karaamat

ki har maraz kii yahii davaa hai banaa hai har ik Gulaam-e-ashraf

ye KHaak-e-rauza me.n hai tasarruf ki jis ko lete hai.n ahl-e-haajat

mariiz achchhe ho.n jis se laakho.n ajab hai ye faiz-e-aam-e-ashraf

zamii.n se taa-aasmaa.n jo dekhaa ajiib qudrat kaa hai tamaasha

yahaa.n zamiin par vahaa.n falak par kha.De hu.e hai.n KHiyaam-e-ashraf

ummiid-e-luft-o-karam pe tere mai.n arz-e-haajat jo kar rahaa huu.n

kaaro tavajjoh zaraa idhar bhii ki le rahaa huu.n mai.n naam-e-ashraf

ghuse jo gustaakH-o-be-adab tumhaare darbaar-e-baa-safaa me.n

nikaalnaa jald us ko hazrat karegaa badnaam naam-e-ashraf

adab se jis ne ki ruKH ko pheraa Gazab kaa mu.nh par lagaa tamaa.ncha

jalaal-o-jabruut shah kaa dekho ajab hai 'aalii-maqaam-e-ashraf

agar kisii taalib-e-KHudaa par zaraa tavajjoh hu.ii to hardam

kahegaa mad.hosh kar chukaa hai mujhe do-a.alam se jaam-e-ashraf

bhalaa.ii ko.ii ashrafii se puuche ki shaah 'ashrafii' kii shaan kyaa hai

kahegaa vahm-o-gumaa.n se mere buland hai ehtishaam-e-ashraf

na mujh se chhuuTegaa un kaa daaman na mujh ko bhuulegaa naam-e-ashraf

mai.n banda-e-be-diram huu.n un kaa azal se huu.n mai.n Gulaam-e-ashraf

mai.n un kii mid.hat bayaa.n karuu.n kyaa ki saare aalam me.n hai ye shohrat

mujaddid-e-vaqt thaa jahaa.n me.n buland-tar hai maqaam-e-ashraf

unhii.n kii mahbuubiyat kaa naa'ra-e-malaa.ika ne falak pe maaraa

zamii.n hii ye shaan-e-Gaus-e-a.alam falak pe vo ehtiraam-e-ashraf

janaab ke vaalid mua'zzam ne KHvaab me.n dekhaa ki mustafaa

ye dii bashaarat ki ham ne rakhaa hai naam un kaa banaam-e-ashraf

zamii.n pe rauza hai yaa falak par kuchh us kii rif.at pe kah rahii hai

ko.ii falak kaa hai ye jo Tuk.Daa jahaa.n banaa hai maqaam-e-ashraf

jo vahdat-e-aabaad jaa-e-KHalvat to kasrat-e-aabaad jaa-e-jalvat

kahii.n hai vahdat kahii.n hai kasrat ajab hai dilkash nizaam-e-ashraf

jo ruuh-e-aabaad jaa ke dekho to sair-e-ruuhii kaa lutf aa.e

jo baiTho daar-ul-amaa.n me.n jaa kar to paa.o daa.n faiz-e-aam-e-ashraf

bane jahaa.ngiir Gaus-e-'aalam jahaa.n ke auliyaa ke afsar

valii zamaane ke zer-e-farmaa.n mutii.a-e-ahkaam-e-aam-e-ashraf

kisii ne taariiKH arsh-e-akbar banaa-e-rauza kii kHuub likhii

hamaarii nazro.n se ko.ii dekhe falak se baalaa-e-baam-e-ashraf

adaalat-e-sub.h-o-shaam dekhe jo ko.ii darbaar-e-ashrafii me.n

to bol uThe ki allaahu allaahu ajiib hai intizaam-e-ashraf

kahii.n to janaab jal rahe hai.n kahii.n kHabbaa.is ta.Dap rahe hai.n

kisii ke sar boltaa hai jaaduu likhuu.n mai.n kyaa faiz-e-ilam-e-ashraf

charaaG rauza se le ke kaajal lagaa.e.n aa.nkho.n me.n apne a.amaa

to aa.nkhe.n ho jaa.e.n un kii raushan ye hai karaamaat-e-aam-e-ashraf

ye chashma-e-nayyar gard-e-rauza baab-e-shifaa-o-saaf jaarii

mariiz piite hii hoe.n achchhe ayaa.n ye faiz-e-aam-e-ashraf

savaaro kaa.ii ko nayyar ke bhii KHudaa ne baKHshii hai ye karaamat

ki har maraz kii yahii davaa hai banaa hai har ik Gulaam-e-ashraf

ye KHaak-e-rauza me.n hai tasarruf ki jis ko lete hai.n ahl-e-haajat

mariiz achchhe ho.n jis se laakho.n ajab hai ye faiz-e-aam-e-ashraf

zamii.n se taa-aasmaa.n jo dekhaa ajiib qudrat kaa hai tamaasha

yahaa.n zamiin par vahaa.n falak par kha.De hu.e hai.n KHiyaam-e-ashraf

ummiid-e-luft-o-karam pe tere mai.n arz-e-haajat jo kar rahaa huu.n

kaaro tavajjoh zaraa idhar bhii ki le rahaa huu.n mai.n naam-e-ashraf

ghuse jo gustaakH-o-be-adab tumhaare darbaar-e-baa-safaa me.n

nikaalnaa jald us ko hazrat karegaa badnaam naam-e-ashraf

adab se jis ne ki ruKH ko pheraa Gazab kaa mu.nh par lagaa tamaa.ncha

jalaal-o-jabruut shah kaa dekho ajab hai 'aalii-maqaam-e-ashraf

agar kisii taalib-e-KHudaa par zaraa tavajjoh hu.ii to hardam

kahegaa mad.hosh kar chukaa hai mujhe do-a.alam se jaam-e-ashraf

bhalaa.ii ko.ii ashrafii se puuche ki shaah 'ashrafii' kii shaan kyaa hai

kahegaa vahm-o-gumaa.n se mere buland hai ehtishaam-e-ashraf