chalte chalte ruk chukii thii jabki nabz-e-kaa.enaat

chalte chalte ruk chukii thii jabki nabz-e-kaa.enaat

nau’-e-insaanii kii thii har ik tamannaa be-sabaat

pher lii thii haq ne 'aalam se nigaah iltifaat

le rahii thii hichkiyo.n par hichkiyaa.n ruuh-e-hayaat

sar-niguu.n majbuuriyaa.n thii.n paa-e-istibdaad par

mohr-e-teG-e-zulm thii chaspaa.n lab-e-fariyaad par

maal-o-zar kii jagmagaahaT se nazar be-kaar thii

aadamiyat ke gale par nuqra.ii talvaar thii

raastii majbuur thii aur gumrahii muKHtaar thii

haa.n magar ik ruuh aise daur me.n bedaar thii

jis ne apnaa sar diyaa insaaniyat ke naam par

KHuu.n-bahaa baaqii hai jis kaa gardan-e-aqvaam par

ruu-ba-ruu jis ke rahaa ruu-e-mashiiyat be-naqaab

jis ke zarro.n se churaataa hai nigaahe.n aaftaab

har nafas jis kaa amiin-e-raaz ruuh-e-inqilaab

jis ne apne KHuun se chhaapii uKHuvvat kii kitaab

nuur kii bharpuur zau parda dar-e-zulmaat hai

vo tan-e-tanhaa husain bin-e-'alii kii zaat hai

jis kaa chehra mash'al-e-nuur-e-hidaayat vo husain

jis imaamat par rahii naazaa.n nubuvvat vo husain

jis kaa har har saa.ns hai 'ain-e-'ibaadat vo husain

muskuraa.ii dekh kar jis ko mashiyyat vo husain

jis ne zulm-e-naa-ravaa kaa sar kuchal kar rakh diyaa

jaan de kar ek 'aalam ko badal kar rakh diyaa

jis ne farzand-e-javaa.n kaa daaG uThaayaa vo husain

saaya-e-shamshiir me.n quraa.n sunaayaa vo husain

intihaa-e-Gam me.n bhii jo muskuraayaa vo husain

jis ne miT kar nau'-e-insaa.n ko banaayaa vo husain

le rahaa hai jo kHiraaj-e-dard KHaas-o-'aam se

jaan me.n jaan aa.ii jis ke maut ke paiGaam se

jis ne sii.nchaa KHuun se apno.n ke gulzaar KHaliil

jis kii zaat-e-paak me’yaar-e-sharaafat kii daliil

har nazar me.n jis kii hastii be-misaal-o-be-’adiil

qalb-e-dushman me.n makii.n hai jis kaa aKHlaaq-e-jamiil

naqsh aisaa kyaa miTegaa gardish-e-aflaak se

aaj tak ik lau nikaltii hai jabiin-e-KHaak se

aaj bhii KHuddaariyo.n kii raah naa-hamvaar hai

aaj bhii KHatre me.n ’azm-o-jazba-e-bedaar hai

vaqt ko aisii hii qurbaanii abhii darkaar hai

aaj tak suunii magar jalva-gah-e-iisaar hai

naqsh-e-hastii me.n husainii-ra.ng bharnaa chaahiye

zindagii kii aarzuu me.n pahle marnaa chaahiye

chalte chalte ruk chukii thii jabki nabz-e-kaa.enaat

nau’-e-insaanii kii thii har ik tamannaa be-sabaat

pher lii thii haq ne 'aalam se nigaah iltifaat

le rahii thii hichkiyo.n par hichkiyaa.n ruuh-e-hayaat

sar-niguu.n majbuuriyaa.n thii.n paa-e-istibdaad par

mohr-e-teG-e-zulm thii chaspaa.n lab-e-fariyaad par

maal-o-zar kii jagmagaahaT se nazar be-kaar thii

aadamiyat ke gale par nuqra.ii talvaar thii

raastii majbuur thii aur gumrahii muKHtaar thii

haa.n magar ik ruuh aise daur me.n bedaar thii

jis ne apnaa sar diyaa insaaniyat ke naam par

KHuu.n-bahaa baaqii hai jis kaa gardan-e-aqvaam par

ruu-ba-ruu jis ke rahaa ruu-e-mashiiyat be-naqaab

jis ke zarro.n se churaataa hai nigaahe.n aaftaab

har nafas jis kaa amiin-e-raaz ruuh-e-inqilaab

jis ne apne KHuun se chhaapii uKHuvvat kii kitaab

nuur kii bharpuur zau parda dar-e-zulmaat hai

vo tan-e-tanhaa husain bin-e-'alii kii zaat hai

jis kaa chehra mash'al-e-nuur-e-hidaayat vo husain

jis imaamat par rahii naazaa.n nubuvvat vo husain

jis kaa har har saa.ns hai 'ain-e-'ibaadat vo husain

muskuraa.ii dekh kar jis ko mashiyyat vo husain

jis ne zulm-e-naa-ravaa kaa sar kuchal kar rakh diyaa

jaan de kar ek 'aalam ko badal kar rakh diyaa

jis ne farzand-e-javaa.n kaa daaG uThaayaa vo husain

saaya-e-shamshiir me.n quraa.n sunaayaa vo husain

intihaa-e-Gam me.n bhii jo muskuraayaa vo husain

jis ne miT kar nau'-e-insaa.n ko banaayaa vo husain

le rahaa hai jo kHiraaj-e-dard KHaas-o-'aam se

jaan me.n jaan aa.ii jis ke maut ke paiGaam se

jis ne sii.nchaa KHuun se apno.n ke gulzaar KHaliil

jis kii zaat-e-paak me’yaar-e-sharaafat kii daliil

har nazar me.n jis kii hastii be-misaal-o-be-’adiil

qalb-e-dushman me.n makii.n hai jis kaa aKHlaaq-e-jamiil

naqsh aisaa kyaa miTegaa gardish-e-aflaak se

aaj tak ik lau nikaltii hai jabiin-e-KHaak se

aaj bhii KHuddaariyo.n kii raah naa-hamvaar hai

aaj bhii KHatre me.n ’azm-o-jazba-e-bedaar hai

vaqt ko aisii hii qurbaanii abhii darkaar hai

aaj tak suunii magar jalva-gah-e-iisaar hai

naqsh-e-hastii me.n husainii-ra.ng bharnaa chaahiye

zindagii kii aarzuu me.n pahle marnaa chaahiye