مجھے گر سہارا نبی کا نہ ملتا
مجھے گر سہارا نبی کا نہ ملتا
تو طوفان غم سے کنارہ نہ ملتا
چمن میں بہاریں نہ آتیں کبھی بھی
جو صحرائے طیبہ کا صدقہ نہ ملتا
جہنم ہی قسمت میں ہوتا شہا جو
تری رحمتوں کا سہارا نہ ملتا
فرشتے مجھے نار میں لے کے جاتے
اگر مصطفٰی کا اشارہ نہ ملتا
کرم مجھ پہ آقا تمہارا ہوا ہے
نہیں تو جہاں میں ٹھکانہ نہ ملتا
خدا گر نبی کو نہ مبعوث کرتا
تو پھر دہر میں کوئی تنکا نہ ملتا
ترے ہاتھ میں ہوتا ہرگز نہ کنگن
نبی سے اگر تو سراقہ نہ ملتا
گلوں کو کبھی ہوتی خوشبو نہ حاصل
انہیں گر نبی کا پسینہ نہ ملتا
شہ دیں نہ آتے جہاں میں اے عنبرؔ
تو پھر زندگی میں اجالا نہ ملتا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
