اے شوکت و شان بزم بنی سلطان الہند غریب نواز

اے شوکت و شان بزم بنی سلطان الہند غریب نواز

مقبول جناب لم یزلی سلطان الہند غریب نواز

کیا عرض کروں میں اے شاہا پوشیدہ نہیں کچھ حال مرا

سب تم پہ عیاں ہے راز خفی سلطان الہند غریب نواز

کیا نام خدا ہے شان تری ہے یاد مجھے ہر آن تری

اے روح علی اے جان نبی سلطان الہند غریب نواز

اب کوئی نہیں ہے تیرے سوا جو حال سنے مجھ بیکس کا

اللہ ہو میری داد رسی سلطان ہند غریب نواز

جب تک نہ ملے گی داد مری جب تک نہ کھلے گی دل کی کلی

ٹلنے کا نہیں اس در سے کبھی سلطان الہند غریب نواز

جب تک نہ ملے گی داد مری جب تک نہ کھلے گی دل کی کلی

ٹلنے کا نہیں اس در سے کبھی سلطان الہند غریب نواز

ہے عشق کی مجھ کو بیماری اس درد میں میری جان چلی

اب کیجیے جلدی چارہ گری سلطان الہند غریب نواز

مل جائے ترے دروازے کی دنیا میں مجھے جاروب کشی

ہے اب تو تمنا دل میں یہی سلطان الہند غریب نواز

روتا ہے عبث اے خستہ جگر آ کے ادب سے عرض قمرؔ

پورے ہوں مرے ارمان دلی سلطان الہند غریب نواز