با ادب آؤ یہاں پر ہے دیارِ فاطمہ

با ادب آؤ یہاں پر ہے دیارِ فاطمہ

خلد کی بھی خلد ہے یارو مزارِ فاطمہ

سر سے چادر چھن گئی پردہ مگر چھوڑا نہیں

یوں دکھایا رن میں زینب نے وقارِ فاطمہ

کربلا میں ظالموں نے ان پر ڈھائے ہیں ستم

جو علی کے لال ہیں جان قرارِ فاطمہ

ابنِ حیدر پر فدا ہو کر بتایا حر نے یہ

دیکھ لو ہوتے ہیں کیسے جاں نثارِ فاطمہ

چل رہی ہے کربلا میں اے خدا کیسی ہوا

لٹ رہا ہے دشت میں باغ بہارِ فاطمہ

ہے دعا میری مری نسلوں پہ ہو ایسا کرم

یہ بنیں عاشق نبی کے ہوں نثارِ فاطمہ

ہو کرم درویشؔ پر یہ حشر میں رحمت کہے

خلد میں لے جاؤ یہ ہے خاکسارِ فاطمہ