دلبر ہو دلربا ہو عالم پناہ وارث

دلبر ہو دلربا ہو عالم پناہ وارث

سلطانِ اولیا ہو عالم پناہ وارث

کس کی مجال ہے جو کشتی مری ڈبو دے

جب آپ ناخدا ہیں عالم پناہ وارث

یہ جان و دل جگر سب اس کو نثار کردوں

جو تیرا بن گیا ہو عالم پناہ وارث

حسرت یہی ہے میری کہ تو میرے سامنے پو

بابِ کرم کھلا ہو عالم پناہ وارث

بنتا ہے تیرے در پہ قرباں علی کا صدقہ

مجھ کو بھی کچھ عطا ہو عالم پناہ وارث

تم ہو چراغ حیدر تم سے جہاں ہے روشن

تم قلبِ فاطمہ ہو عالم پناہ وارث

پیمانہ زندگی کا لبریز جس گھڑی ہو

تو ہو تیرا صباؔ ہو عالم پناہ وارث