صدائے مرحبا گونجی شہ ابرار آیا ہے

صدائے مرحبا گونجی شہ ابرار آیا ہے

زمیں پر بن کے رحمت نائب غفار آیا ہے

خدائے پاک کی جانب سے دستور عمل بن کر

حکومت کرنے سارے دہر پر سرکار آیا ہے

سہی جاتی نہیں ہے، بے قراری آنکھوں کی جاناں

اٹھائیں رخ سے پردہ طالب دیدار آیا ہے

ہوا جاتا ہے جس کو دیکھ کر دیوانہ ہر کوئی

عرب کی سر زمیں پر ایسا اک دلدار آیا ہے

سیاہی چھٹ گئی، سارا زمانہ ہوگیا روشن

زمیں پر نور وحدت کا حسیں شہکار آیا ہے

کہے گا یک زباں ہو کر قیامت میں یہ ہر کوئی

شفاعت کیجیے سرکار اک بدکار آیا ہے

قدم طیبہ میں رکھا جب اے نازاںؔ یہ ندا آئی

جھکا لو اپنی نظروں کو دیار یار آیا ہے