mahbuub hai.n hamaare nabii zul-jalaal ke

mahbuub hai.n hamaare nabii zul-jalaal ke

tauqiir un kii 'aalaa hai.n rutbe kamaal ke

laa'l-o-gohar kaa zikr vo karte nahii.n kabhii

zarre 'ataa hu.e jinhe.n un kii na’aal ke

qismat pe un kii merii bhii qismat nisaar hai

jin ko nabii ne rakkhaa hai qadmo.n me.n Daal ke

sadqa agar na miltaa use hasan shaah kaa

charche na hote aaj yuu.n husn-e-hilaal ke

mujh ko hisaar lutf me.n rakhte hai.n mustafaa

hai.n duur mujh se is liye lamhe zavaal ke

apne to apne kahte hai.n aGyaar bhii yahii

atvaar KHuub-ruu hai.n shah-e-KHush KHisaal ke

aate hai.n jis me.n har gha.Dii sardaar-e-ambiyaa

girviida ham bhii hai.n usii raushan KHayaal ke

ho jaa.e fan pe maah-e-'arab kii jo ik nazar

ash'aar na.at ke ho.n mire bhii kamaal ke

phirtaa hai le ke hijr kaa Gam dar-ba-dar huzuur

'naazaa.n' ko bhii 'ataa kare.n lamhe visaal ke

mahbuub hai.n hamaare nabii zul-jalaal ke

tauqiir un kii 'aalaa hai.n rutbe kamaal ke

laa'l-o-gohar kaa zikr vo karte nahii.n kabhii

zarre 'ataa hu.e jinhe.n un kii na’aal ke

qismat pe un kii merii bhii qismat nisaar hai

jin ko nabii ne rakkhaa hai qadmo.n me.n Daal ke

sadqa agar na miltaa use hasan shaah kaa

charche na hote aaj yuu.n husn-e-hilaal ke

mujh ko hisaar lutf me.n rakhte hai.n mustafaa

hai.n duur mujh se is liye lamhe zavaal ke

apne to apne kahte hai.n aGyaar bhii yahii

atvaar KHuub-ruu hai.n shah-e-KHush KHisaal ke

aate hai.n jis me.n har gha.Dii sardaar-e-ambiyaa

girviida ham bhii hai.n usii raushan KHayaal ke

ho jaa.e fan pe maah-e-'arab kii jo ik nazar

ash'aar na.at ke ho.n mire bhii kamaal ke

phirtaa hai le ke hijr kaa Gam dar-ba-dar huzuur

'naazaa.n' ko bhii 'ataa kare.n lamhe visaal ke