کیا کرے اندازۂ رفعت نگاہِ ظاہری

کیا کرے اندازۂ رفعت نگاہِ ظاہری

ہے یہاں پر بھی فروزاں شمعِ بزمِ قادری

کوئی خالی ہاتھ اس در سے کبھی جاتا نہیں

مخزنِ فیض و کرم ہے بارگاہِ شاکری

شاہ تاج الدین پیرِ عارفاں شیخ الشیوخ

فقر و درویشی میں پنہاں تیرے رازِ سروری

التجا ہے مجھ کو بھی جامِ مئے عرفاں ملے

بخشتی ہے جو غلاموں کو بھی شانِ داوری

ما پریشاں حال گم گشتہ صراطِ عاشقی

استعانت کن شہ شاکر قمر کن رہبری

عشق و مستی جذبۂ دل فقر کی کل کائنات

ہے کوئی سجادؔ ان کی کرسکے جو ہمسری