ik tiraa vujuud hai aa.iina-e-kaa.inaat kaa

ik tiraa vujuud hai aa.iina-e-kaa.inaat kaa

zauq diyaa nigaah ko tuu ne tajalliyaat kaa

terii numuud-e-takmila jalva-gah-e-hayaat kaa

teraa vuruud-e-irtiqaa 'aalam-e-mumkinaat kaa

khii.nch dii.n asl-o-fara’ me.n tuune huduud-e-imtiyaaz

zehn-o-nazar ko de diyaa ’ilm-e-sifaat-o-zaat kaa

mahshar-e-hast-o-buud ko de ke sukuun kaa payaam

tuune badal diyaa hai ra.ng shorish-e-kaa.enaat kaa

tiirgii-e-jumuud se niklii shu’aa-e-zindagii

’aqd kiyaa jo tuune hal falsafa-e-hayaat kaa

kashmakash-e-hayaat se ruuh ko kar diyaa rihaa

aaKHirii rahnumaa hai tuu marhala-e-hayaat kaa

dair-e-KHudii-o-kibr me.n tuune azaan-e-sub.h dii

teraa jamaal-e-sarmadii chaa.nd hai pichhlii raat kaa

rahne de mahv-e-be-KHudii kHaatir-e-pur-kHarosh ko

raaz kahii.n na faash ho qaid-e-ta’ayyunaat kaa

ik tiraa vujuud hai aa.iina-e-kaa.inaat kaa

zauq diyaa nigaah ko tuu ne tajalliyaat kaa

terii numuud-e-takmila jalva-gah-e-hayaat kaa

teraa vuruud-e-irtiqaa 'aalam-e-mumkinaat kaa

khii.nch dii.n asl-o-fara’ me.n tuune huduud-e-imtiyaaz

zehn-o-nazar ko de diyaa ’ilm-e-sifaat-o-zaat kaa

mahshar-e-hast-o-buud ko de ke sukuun kaa payaam

tuune badal diyaa hai ra.ng shorish-e-kaa.enaat kaa

tiirgii-e-jumuud se niklii shu’aa-e-zindagii

’aqd kiyaa jo tuune hal falsafa-e-hayaat kaa

kashmakash-e-hayaat se ruuh ko kar diyaa rihaa

aaKHirii rahnumaa hai tuu marhala-e-hayaat kaa

dair-e-KHudii-o-kibr me.n tuune azaan-e-sub.h dii

teraa jamaal-e-sarmadii chaa.nd hai pichhlii raat kaa

rahne de mahv-e-be-KHudii kHaatir-e-pur-kHarosh ko

raaz kahii.n na faash ho qaid-e-ta’ayyunaat kaa