KHudaa-raa nigaah-e-ataa mere vaaris
mirii samt kiijiye sadaa mere vaaris
mere dil kii ye aarzuu puurii kare
banaa liijiye mujh ko gadaa mere vaaris
tasavvur me.n jalva-numaa aise rahnumaa
miraa sar ho aur teraa paa mere vaaris
nazar aa.e jis me.n suurat tumhaarii
miraa dil bane aa.iina mere vaaris
mirii kaifiyat har nafas bas yahi ho
karuu.n tum pe KHud ko fidaa mere vaaris
tumhaaraa hii jalva nazar aayaa mujh ko
mai.n jab bhii jidhar bhii gayaa mere vaaris
mai.n shor-e-qiyaamat se kyuu.n mutma.in huu.n
hai.n mere shafii.a rahnumaa mere vaaris
ye 'shaariq' na muhtaaj-e-duniyaa kabhii ho
KHudaa-raa ye kiijiye du.aa mere vaaris
KHudaa-raa nigaah-e-ataa mere vaaris
mirii samt kiijiye sadaa mere vaaris
mere dil kii ye aarzuu puurii kare
banaa liijiye mujh ko gadaa mere vaaris
tasavvur me.n jalva-numaa aise rahnumaa
miraa sar ho aur teraa paa mere vaaris
nazar aa.e jis me.n suurat tumhaarii
miraa dil bane aa.iina mere vaaris
mirii kaifiyat har nafas bas yahi ho
karuu.n tum pe KHud ko fidaa mere vaaris
tumhaaraa hii jalva nazar aayaa mujh ko
mai.n jab bhii jidhar bhii gayaa mere vaaris
mai.n shor-e-qiyaamat se kyuu.n mutma.in huu.n
hai.n mere shafii.a rahnumaa mere vaaris
ye 'shaariq' na muhtaaj-e-duniyaa kabhii ho
KHudaa-raa ye kiijiye du.aa mere vaaris
Source :
- Book : Afkar-e-Shariq (Pg. 57)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
