جان و دل سے میں ہوں شیدا خواجۂ اجمیر کا

جان و دل سے میں ہوں شیدا خواجۂ اجمیر کا

میرے دل میں ہے دریچہ خواجۂ اجمیر کا

میرزائی کیف و مستی میں ہوں میں ڈوبا ہوا

چشتیہ ہے یہ پیالہ خواجۂ اجمیر کا

خود شناسی ہو تو بے شک ہو خدا بھی روشناس

ہاں یہی کہنا ہے کہنا خواجۂ اجمیر کا

ایک میں سب سب میں اس کو دیکھتا ہوں ہر طرف

یہ نظر کس کا ہے صدقہ خواجۂ اجمیر کا

واہ ری نسبت کہ تھاما ہاتھ میں نے پیر کا

ان کے اوپر ہاتھ کس کا خواجۂ اجمیر کا

اس لیے جلتا ہے اپنا تیز طوفاں میں دیا

ہے ہمارے سر پہ سایا خواجۂ اجمیر کا

ہر جگہ نسبت مجھے گھیرے میں لیتی ہے سدا

فیض ہے سلطاںؔ انوکھا خواجۂ اجمیر کا