mahshar me.n agar uTThuu.n daaman me.n chhupaa jaanaa

mahshar me.n agar uTThuu.n daaman me.n chhupaa jaanaa
Syed Amjad Hussain
MORE BYSyed Amjad Hussain
mahshar me.n agar uTThuu.n daaman me.n chhupaa jaanaa
jo ashk bahe mere rahmat se miTaa jaanaa
bas terii nazar bhar se taqdiir badal jaa.e
jo hijr me.n ta.Dpaa huu.n us Gam ko miTaa jaanaa
har jumbish-e-lab par teraa zikr rahe har dam
tuu sub.h-e-suKHan merii tuu mujh me.n rachaa jaanaa
har dard kaa marham hai har zaKHm kii raahat hai
bas hashr me.n aa-kar tuu daaman me.n chhupaa jaanaa
ab aur bhaTakne kii himmat nahii.n kuchh baaqii
bas raah dikhaa denaa raste pe chalaa jaanaa
madfan miraa kar denaa us kuuche kii miTTii me.n
jannat kii na chaahat hai bas dar pe sulaa jaanaa
har samt a.ndheraa hai har samt udaasii hai
raushan merii duniyaa ko aa-kar to banaa jaanaa
is tishnagii-e-dil me.n ik jaam 'ataa kar de
har shab kii tapish merii ik shaam banaa jaanaa
jab aaKHirii saa.nse.n ho.n aur lab pe du'aa aa.e
bas naam teraa lekar duniyaa se chalaa jaanaa
manzar ho madiine kaa aur shaam Thahar jaa.e
is 'amjad' be-kas ko darbaar dikhaa jaanaa
mahshar me.n agar uTThuu.n daaman me.n chhupaa jaanaa
jo ashk bahe mere rahmat se miTaa jaanaa
bas terii nazar bhar se taqdiir badal jaa.e
jo hijr me.n ta.Dpaa huu.n us Gam ko miTaa jaanaa
har jumbish-e-lab par teraa zikr rahe har dam
tuu sub.h-e-suKHan merii tuu mujh me.n rachaa jaanaa
har dard kaa marham hai har zaKHm kii raahat hai
bas hashr me.n aa-kar tuu daaman me.n chhupaa jaanaa
ab aur bhaTakne kii himmat nahii.n kuchh baaqii
bas raah dikhaa denaa raste pe chalaa jaanaa
madfan miraa kar denaa us kuuche kii miTTii me.n
jannat kii na chaahat hai bas dar pe sulaa jaanaa
har samt a.ndheraa hai har samt udaasii hai
raushan merii duniyaa ko aa-kar to banaa jaanaa
is tishnagii-e-dil me.n ik jaam 'ataa kar de
har shab kii tapish merii ik shaam banaa jaanaa
jab aaKHirii saa.nse.n ho.n aur lab pe du'aa aa.e
bas naam teraa lekar duniyaa se chalaa jaanaa
manzar ho madiine kaa aur shaam Thahar jaa.e
is 'amjad' be-kas ko darbaar dikhaa jaanaa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.