Font by Mehr Nastaliq Web
Sufinama

tuu jaan-e-zahraa tu nuur-e-haidar hai naanaa kHairul-anaam teraa

Syed Faizan Warsi

tuu jaan-e-zahraa tu nuur-e-haidar hai naanaa kHairul-anaam teraa

Syed Faizan Warsi

MORE BYSyed Faizan Warsi

    tuu jaan-e-zahraa tu nuur-e-haidar hai naanaa kHairul-anaam teraa

    valii-e-jahaa.n ke ai vaaris-e-kul adab se lete hai.n naam teraa

    karo mohabbat yahii hai sab kuchh usii se kaamil hai diin-o-iimaa.n

    jahaan bhar me.n hai us kii shohrat hai kitnaa dilkash payaam teraa

    use bashaarat hai do jahaa.n me.n hai thaamaa jis ne tumhaaraa daaman

    vo vaaqif-e-sirr-e-haq hu.aa hai piyaa hai jis ne bhii jaam teraa

    tirii ziyaa se chamaktaa suuraj tujhii se raushan ye maah-o-anjum

    jo dekhe tujh ko bhulaa de KHud ko hai aisaa husn-e-tamaam teraa

    na piir tum-saa ko.ii jahaa.n me.n na tum-saa rahbar kisii ne dekhaa

    nibhaayaa tum ne hai har kisii ko hai jaarii faiz-e-davaam teraa

    tuu nuur-e-haq kaa misaalii paikar nabii kii siirat kaa 'ain-maz.har

    tuu vaaris-e-panjtan hai maulaa bahut ba.Daa hai maqaam teraa

    mai.n tere dar se nahii.n haTuu.ngaa ye qibla meraa ye meraa kaa'ba

    yahii.n jiyuu.ngaa yahii.n maruu.ngaa mai.n banda teraa Gulaam teraa

    karam kii mujh par nigaah kar do miraa muqaddar sa.nvaar Daalo

    ai mere murshid ai mere maulaa banaanaa big.Dii hai kaam teraa

    hasiin saare jamiil saare tumhii pe qurbaa.n tumhii pe shaidaa

    hai kahkashaa.o.n ke biich raushan ai jaanaa.n maah-e-tamaam teraa

    tumhaarii nisbat se is jahaa.n me.n pukaaraa jaataa huu.n vaarsii mai.n

    ba-roz-e-mahshar bhii ye karam ho kahii.n mujhe sab Gulaam teraa

    mai.n naam-levaa tumhaare sadqe rahe 'inaayat ye us gha.Dii bhii

    ki jab uThuu.n mai.n lahad se apnii zabaa.n pe jaarii ho naam teraa

    tufail-e-bedam shahaa 'ataa ho 'asar' ko husn-e-bayaa.n kii daulat

    rachaa-basaa ho suKHan me.n us kii kalaam teraa payaam teraa

    tuu jaan-e-zahraa tu nuur-e-haidar hai naanaa kHairul-anaam teraa

    valii-e-jahaa.n ke ai vaaris-e-kul adab se lete hai.n naam teraa

    karo mohabbat yahii hai sab kuchh usii se kaamil hai diin-o-iimaa.n

    jahaan bhar me.n hai us kii shohrat hai kitnaa dilkash payaam teraa

    use bashaarat hai do jahaa.n me.n hai thaamaa jis ne tumhaaraa daaman

    vo vaaqif-e-sirr-e-haq hu.aa hai piyaa hai jis ne bhii jaam teraa

    tirii ziyaa se chamaktaa suuraj tujhii se raushan ye maah-o-anjum

    jo dekhe tujh ko bhulaa de KHud ko hai aisaa husn-e-tamaam teraa

    na piir tum-saa ko.ii jahaa.n me.n na tum-saa rahbar kisii ne dekhaa

    nibhaayaa tum ne hai har kisii ko hai jaarii faiz-e-davaam teraa

    tuu nuur-e-haq kaa misaalii paikar nabii kii siirat kaa 'ain-maz.har

    tuu vaaris-e-panjtan hai maulaa bahut ba.Daa hai maqaam teraa

    mai.n tere dar se nahii.n haTuu.ngaa ye qibla meraa ye meraa kaa'ba

    yahii.n jiyuu.ngaa yahii.n maruu.ngaa mai.n banda teraa Gulaam teraa

    karam kii mujh par nigaah kar do miraa muqaddar sa.nvaar Daalo

    ai mere murshid ai mere maulaa banaanaa big.Dii hai kaam teraa

    hasiin saare jamiil saare tumhii pe qurbaa.n tumhii pe shaidaa

    hai kahkashaa.o.n ke biich raushan ai jaanaa.n maah-e-tamaam teraa

    tumhaarii nisbat se is jahaa.n me.n pukaaraa jaataa huu.n vaarsii mai.n

    ba-roz-e-mahshar bhii ye karam ho kahii.n mujhe sab Gulaam teraa

    mai.n naam-levaa tumhaare sadqe rahe 'inaayat ye us gha.Dii bhii

    ki jab uThuu.n mai.n lahad se apnii zabaa.n pe jaarii ho naam teraa

    tufail-e-bedam shahaa 'ataa ho 'asar' ko husn-e-bayaa.n kii daulat

    rachaa-basaa ho suKHan me.n us kii kalaam teraa payaam teraa

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now