'alii-e-murtazaa laala-zaar-e-mohammad

'alii-e-murtazaa laala-zaar-e-mohammad

nigaar-e-KHudaa gul-'ezaar-e-mohammad

saraapaa nabii kaa saraapaa 'alii hai.n

yuu.n Thahre 'alii yaadgaar-e-mohammad

dayaar-e-nabii ke talab-gaar sun lo

dar-e-murtazaa hai dayaar-e-mohammad

'alii ke binaa to nabii na mile.nge

'alii hii hai.n baab-e-guzaar-e-mohammad

baraa-e-shifaa hai zamaane me.n jo kuchh

hai gard-e-’alii-o-Gubaar-e-mohammad

jo gard-e-rah-e-murtazaa gar banuu.n mai.n

to ban jaa.uu.ngaa mai.n Gubaar-e-mohammad

KHudaa laa.e din apnii aa.nkho.n se dekhuu.n

dar-e-murtazaa aur dayaar-e-mohammad

jahaan-e-valaa ke vo maah-e-mubii.n hai.n

'alii nayyar-e-nuur baar-e-mohammad

jo hai vaaqif-e-sirr-o-raaz-e-nabii se

vo haidar hii hai.n raaz-daar-e-mohammad

imaam-e-’alii se imaam-e-zamaa.n tak

gul-e-laala-o-dil bahaar-e-mohammad

vo zahraa jo 'ismat kaa raushan nishaa.n hai.n

hai naaz-e-'alii iftiKHaar-e-mohammad

mo'attar hai jin se chaman-zaar-e-hastii

husain-o-hasan mushk-baar-e-mohammad

'alii kii mohabbat hai merii mohabbat

'ayaa.n hai ye qaul-o-qaraar-e-mohammad

'asar' apne vaaris ke sadqe me.n dekhe

ruKH-e-haq-numaa faiz-baar-e-mohammad

'alii-e-murtazaa laala-zaar-e-mohammad

nigaar-e-KHudaa gul-'ezaar-e-mohammad

saraapaa nabii kaa saraapaa 'alii hai.n

yuu.n Thahre 'alii yaadgaar-e-mohammad

dayaar-e-nabii ke talab-gaar sun lo

dar-e-murtazaa hai dayaar-e-mohammad

'alii ke binaa to nabii na mile.nge

'alii hii hai.n baab-e-guzaar-e-mohammad

baraa-e-shifaa hai zamaane me.n jo kuchh

hai gard-e-’alii-o-Gubaar-e-mohammad

jo gard-e-rah-e-murtazaa gar banuu.n mai.n

to ban jaa.uu.ngaa mai.n Gubaar-e-mohammad

KHudaa laa.e din apnii aa.nkho.n se dekhuu.n

dar-e-murtazaa aur dayaar-e-mohammad

jahaan-e-valaa ke vo maah-e-mubii.n hai.n

'alii nayyar-e-nuur baar-e-mohammad

jo hai vaaqif-e-sirr-o-raaz-e-nabii se

vo haidar hii hai.n raaz-daar-e-mohammad

imaam-e-’alii se imaam-e-zamaa.n tak

gul-e-laala-o-dil bahaar-e-mohammad

vo zahraa jo 'ismat kaa raushan nishaa.n hai.n

hai naaz-e-'alii iftiKHaar-e-mohammad

mo'attar hai jin se chaman-zaar-e-hastii

husain-o-hasan mushk-baar-e-mohammad

'alii kii mohabbat hai merii mohabbat

'ayaa.n hai ye qaul-o-qaraar-e-mohammad

'asar' apne vaaris ke sadqe me.n dekhe

ruKH-e-haq-numaa faiz-baar-e-mohammad