sabz-gumbad kaa nazaara dekhiye
sabz-gumbad kaa nazaara dekhiye
aa ke devaa me.n madiina dekhiye
tuur par chamkaa thaa jo nuur-e-KHudaa
yaa.n vahii nuur-e-mujalla dekhiye
baab-e-juud-e-vaarsii par aa.iye
daaman-e-ummiid bhartaa dekhiye
hai yahaa.n shaan-e-nabii jalva-numaa
un ke jalvo.n kaa karishma dekhiye
maz.har-e-al-faqro-fakHrii hai yahaa.n
faqro-minnii kaa saraapaa dekhiye
hai yahii to aastaan-e-panjtan
panjtan kaa faiz baTtaa dekhiye
sham'-e-husn-e-vaarsii par shauq se
aa ke parvaano.n kaa jalnaa dekhiye
jab.ha-saa.ii kiijiye us dar pe aap
apnii qismat ko chamaktaa dekhiye
hotii hai anvaar kii baarish yahaa.n
zarre-zarre ko damaktaa dekhiye
aa.iine me.n zaat-e-vaaris ke 'asar'
suurat-e-haidar kaa naqsha dekhiye
sabz-gumbad kaa nazaara dekhiye
aa ke devaa me.n madiina dekhiye
tuur par chamkaa thaa jo nuur-e-KHudaa
yaa.n vahii nuur-e-mujalla dekhiye
baab-e-juud-e-vaarsii par aa.iye
daaman-e-ummiid bhartaa dekhiye
hai yahaa.n shaan-e-nabii jalva-numaa
un ke jalvo.n kaa karishma dekhiye
maz.har-e-al-faqro-fakHrii hai yahaa.n
faqro-minnii kaa saraapaa dekhiye
hai yahii to aastaan-e-panjtan
panjtan kaa faiz baTtaa dekhiye
sham'-e-husn-e-vaarsii par shauq se
aa ke parvaano.n kaa jalnaa dekhiye
jab.ha-saa.ii kiijiye us dar pe aap
apnii qismat ko chamaktaa dekhiye
hotii hai anvaar kii baarish yahaa.n
zarre-zarre ko damaktaa dekhiye
aa.iine me.n zaat-e-vaaris ke 'asar'
suurat-e-haidar kaa naqsha dekhiye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
