mukammal sabr kii tasviir honaa
mukammal sabr kii tasviir honaa
nahii.n mumkin kabhii shabbiir honaa
jo nazraana unhe.n ashko.n kaa bheje
use dushvaar hai dil-giir honaa
mubaarakbaad KHaak-e-karbalaa ko
tiraa yuu.n KHaak se iksiir honaa
jo pahu.nchaa thaa mai.n dasht-e-karbalaa ko
thii mere KHvaab kii ta.abiir honaa
tumhii.n ko zeb ai nuur-e-nabii hai
saraapaa nuur kii tanviir honaa
tumhe.n allah ne tafziil baKHshii
nahii.n mumkin tirii tasGiir honaa
muqaddar thaa nabii-zaado.n ke haq me.n
azal se saahib-e-tathiir honaa
pa.Dhe jaa.o agar naad-e-alii tum
hai naa-mumkin tiraa dargiir honaa
mahaaz-e-ishq ya.anii karbalaa kii
nahii.n mumkin kahii.n tafsiir honaa
husain-e-paak ke qadmo.n ke baa.is
is arz-e-naaz kii tash.hiir honaa
gul-e-taaza kii ik KHanda-labii se
la.ii.n kaa qaabil-e-ta.aziir honaa
tire ansaar kaa rab kii razaa par
Gazab thaa yuu.n tah-e-shamshiir honaa
tumhaare ahl-e-KHaana par sitam thaa
yuu.n sab kaa halqa-e-zanjiir honaa
hai sar par saayaa-e-altaaf vaaris
hai naa-mumkin miraa tasKHiir honaa
'asar' maathe lagii hai KHaak-e-karbal
mubaarak saahab-e-taasiir honaa
mukammal sabr kii tasviir honaa
nahii.n mumkin kabhii shabbiir honaa
jo nazraana unhe.n ashko.n kaa bheje
use dushvaar hai dil-giir honaa
mubaarakbaad KHaak-e-karbalaa ko
tiraa yuu.n KHaak se iksiir honaa
jo pahu.nchaa thaa mai.n dasht-e-karbalaa ko
thii mere KHvaab kii ta.abiir honaa
tumhii.n ko zeb ai nuur-e-nabii hai
saraapaa nuur kii tanviir honaa
tumhe.n allah ne tafziil baKHshii
nahii.n mumkin tirii tasGiir honaa
muqaddar thaa nabii-zaado.n ke haq me.n
azal se saahib-e-tathiir honaa
pa.Dhe jaa.o agar naad-e-alii tum
hai naa-mumkin tiraa dargiir honaa
mahaaz-e-ishq ya.anii karbalaa kii
nahii.n mumkin kahii.n tafsiir honaa
husain-e-paak ke qadmo.n ke baa.is
is arz-e-naaz kii tash.hiir honaa
gul-e-taaza kii ik KHanda-labii se
la.ii.n kaa qaabil-e-ta.aziir honaa
tire ansaar kaa rab kii razaa par
Gazab thaa yuu.n tah-e-shamshiir honaa
tumhaare ahl-e-KHaana par sitam thaa
yuu.n sab kaa halqa-e-zanjiir honaa
hai sar par saayaa-e-altaaf vaaris
hai naa-mumkin miraa tasKHiir honaa
'asar' maathe lagii hai KHaak-e-karbal
mubaarak saahab-e-taasiir honaa
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
