علی کو مظہرِ رب جلوۂ سرکار کہتا ہوں

علی کو مظہرِ رب جلوۂ سرکار کہتا ہوں

علی کو کل کا مولیٰ سید و سردار کہتا ہوں

علی کے رخ کو گل روئے مہ رخسار کہتا ہوں

علی کو ہم شبیہ احمد مختار کہتا ہوں

علی جڑ آلِ احمد کی علی ہیں شاخِ احمد بھی

علی کو اس لیے میں مصطفیٰ کا یار کہتا ہوں

جہاں کے غم زدوں کا اور ہر اک بے سہاروں کا

علی کو ہی تو میں بس مونس و غم خوار کہتا ہوں

کہا ہے جان حیدر کو نبی کی حق تعالیٰ نے

علی کو اس لیے جانِ شہ ابرار کہتا ہوں

وظیفہ اسمِ مولیٰ ہے اس لیے ہی میں

علی مولیٰ علی مولیٰ ہزاروں بار کہتا ہوں

دیا تھا جو علی کی لاڈلی نے شام میں خطبہ

اسے خطبہ نہیں میں شیر کی للکار کہتا ہوں

علی بانٹیں گے جنت بھی علی بانٹیں گے دوزخ بھی

علی کو مالکِ جنت قسیم النار کہتا ہوں

حسنؔ لکھنا مجھے بالکل نہیں آتا ہے بس یہ تو

کرم ان کا جو ہوتا ہے تو میں اشعار کہتا ہوں