سلطانِ مشائخ مرے محبوبِ الٰہی

سلطانِ مشائخ مرے محبوبِ الٰہی

اقطابِ زمانہ کے دلوں پر تری شاہی

دنیا میں ترا فیض سکونِ دل و جاں ہے

کام آئے گی محشر میں تری پشت پناہی

قدموں میں ترے سر نہ جھکے یہ نہیں ممکن

تو ہے ہی کہاں، ہے تُو تجلیٔ الٰہی

جس کو بھی ترا قرب ملا اس کے بڑے بخت

محبوب ترا قرب تُو ہے قربِ الٰہی

صدقے میں شکر گنج کے عاصی پہ کرم ہو

مٹ جائے گی چہرہ سے گناہوں کی سیاہی

خسرو سی تڑپ مجھ کو مرے پیر سے ہوجائے

حسرت ہے ضیاؔ کی یہی محبوبِ الٰہی