jo bhii hu.aa hai KHalq vo hone ko hai fanaa faqat

jo bhii hu.aa hai KHalq vo hone ko hai fanaa faqat

jis ke liye baqaa faqat ek hai vo KHudaa faqat

nuur-e-KHudaa hai mabdaa partv-e-mustafaa faqat

dekho to ibtidaa faqat samjho to intihaa faqat

mujh ko milegii bil-yaqii.n KHuld-e-barii.n me.n jaa faqat

vaqt-e-aKHiir lab pe ho naam jo aap kaa faqat

zulf-e-hasii.n kii baat vllaili-izaa sajaa faqat

zikr-e-rukH-e-habiib kaa suura-e-vazzuhaa faqat

KHatm-e-rusul ke muttabe' jab na hu.e najaat kyaa

'umr bhar aap ne to kii bandagii-e-KHudaa faqat

haadiinaa nabiiyyanaa sayyadanaa shafii’naa

roz-e-jazaa karam tiraa meraa hai aasraa faqat

laa.e burraaq-e-jibra.iil tanhaa thaa zafraf aap kaa

manzil-e-ruuh-e-quds tuu sidraa-e-muntahaa faqat

husn-e-yaqii.n jamaal-e-haq jazb-e-daruu.n kamaal-e-dii.n

'ishq kii imtihaan-gah vaadii-e-karbalaa faqat

daftar-e-kaa.inaat me.n mus.haf-e-naatiq aap hai.n

matan-e-haqiiqat ik yahii aur to haashiya faqat

zer-e-lavaa-e-hamd ham ’aasiyo.n kii najaat ko

shaafe’-e-roz-e-hashr hai.n sayyad-ul-anbiyaa faqat

miTTii mirii ho siim-o-zar KHair 'amal kii hai kasar

usva-e-paak aap kaa nuskHa-e-miyaa faqat

apnii bad-e'tidaaliyaa.n shuumii-e-bakHt-o-na.ng-e-dii.n

rotii hai.n masjide.n hamii.n ha.nstaa hai maqbara faqat

’aql-o-kHirad kii pairvii vajh-e-shukuuk-o-gumrahii

qaul-o-'amal huzuur ke mujh ko hai.n rahnumaa faqat

KHulq-e-'aziim aap kaa aa.iina-e-kalaam-e-haq

itnaa bahut bataa ga.ii.n hazrat-e-'aa.iisha faqat

ro-ro ke rab se thii du'aa sajde me.n hablii ummatii

ud’uunii istajib lakum pesh-e-nazar jo thaa faqat

fahm-e-bashar se hai fuzuu.n zaat KHudaa rasuul kii

jaane.n KHudaa ko mustafaa aur unhe.n KHudaa faqat

salle-'alaa muhammadin salle-'alaa muhammadin

har Gam-o-dard ke liye mujh ko hai ye davaa faqat

KHuld-e-nazar bahisht-e-jaa.n gumbad-e-kHazraa aap kaa

jaane vo jis kii aarzuu makka-e-mukarrama faqat

ummat-e-muslima ke din 'barq' na kyuu.n KHaraab ho.n

zindagii sar-ba-sar fareb-e-bandagii hai riyaa faqat

jo bhii hu.aa hai KHalq vo hone ko hai fanaa faqat

jis ke liye baqaa faqat ek hai vo KHudaa faqat

nuur-e-KHudaa hai mabdaa partv-e-mustafaa faqat

dekho to ibtidaa faqat samjho to intihaa faqat

mujh ko milegii bil-yaqii.n KHuld-e-barii.n me.n jaa faqat

vaqt-e-aKHiir lab pe ho naam jo aap kaa faqat

zulf-e-hasii.n kii baat vllaili-izaa sajaa faqat

zikr-e-rukH-e-habiib kaa suura-e-vazzuhaa faqat

KHatm-e-rusul ke muttabe' jab na hu.e najaat kyaa

'umr bhar aap ne to kii bandagii-e-KHudaa faqat

haadiinaa nabiiyyanaa sayyadanaa shafii’naa

roz-e-jazaa karam tiraa meraa hai aasraa faqat

laa.e burraaq-e-jibra.iil tanhaa thaa zafraf aap kaa

manzil-e-ruuh-e-quds tuu sidraa-e-muntahaa faqat

husn-e-yaqii.n jamaal-e-haq jazb-e-daruu.n kamaal-e-dii.n

'ishq kii imtihaan-gah vaadii-e-karbalaa faqat

daftar-e-kaa.inaat me.n mus.haf-e-naatiq aap hai.n

matan-e-haqiiqat ik yahii aur to haashiya faqat

zer-e-lavaa-e-hamd ham ’aasiyo.n kii najaat ko

shaafe’-e-roz-e-hashr hai.n sayyad-ul-anbiyaa faqat

miTTii mirii ho siim-o-zar KHair 'amal kii hai kasar

usva-e-paak aap kaa nuskHa-e-miyaa faqat

apnii bad-e'tidaaliyaa.n shuumii-e-bakHt-o-na.ng-e-dii.n

rotii hai.n masjide.n hamii.n ha.nstaa hai maqbara faqat

’aql-o-kHirad kii pairvii vajh-e-shukuuk-o-gumrahii

qaul-o-'amal huzuur ke mujh ko hai.n rahnumaa faqat

KHulq-e-'aziim aap kaa aa.iina-e-kalaam-e-haq

itnaa bahut bataa ga.ii.n hazrat-e-'aa.iisha faqat

ro-ro ke rab se thii du'aa sajde me.n hablii ummatii

ud’uunii istajib lakum pesh-e-nazar jo thaa faqat

fahm-e-bashar se hai fuzuu.n zaat KHudaa rasuul kii

jaane.n KHudaa ko mustafaa aur unhe.n KHudaa faqat

salle-'alaa muhammadin salle-'alaa muhammadin

har Gam-o-dard ke liye mujh ko hai ye davaa faqat

KHuld-e-nazar bahisht-e-jaa.n gumbad-e-kHazraa aap kaa

jaane vo jis kii aarzuu makka-e-mukarrama faqat

ummat-e-muslima ke din 'barq' na kyuu.n KHaraab ho.n

zindagii sar-ba-sar fareb-e-bandagii hai riyaa faqat