karo lillaah 'inaayat kii nazar yaa shaah-e-jiilaanii

karo lillaah 'inaayat kii nazar yaa shaah-e-jiilaanii

ki hove duur sab dil se zarar yaa shaah jiilaanii

nahii.n duurii se mujh ko chain pa.Dtaa hai yahaa.n dam bhar

ta.Daptaa huu.n KHudaa-raa lo KHabar yaa shaah-e-jiilaanii

samar laa.e shajar apnaa tamnnaa-e-mohabbat kaa

jo jaldii se karo tum baarvar yaa shaah jiilaanii

rahe kalima zabaa.n par yaad bas dil me.n tumhaarii ho

jahaa.n se jis gha.Dii hove safar yaa shaah-e-jiilaanii

dikhaa do KHvaab me.n apnaa mujhe to ruu-e-nuuraanii

yahii hai dard bas shaam-o-sahar yaa shaah-e-jiilaanii

tumhii.n ho 'aashiq-e-yazdaa.n tumhe.n ho dilbar-e-yazdaa.n

tumhe.n haasil sabho.n se hai vaqar yaa shaah-e-jiilaanii

phiruu.n mai.n misl-e-‘parvaana’ karuu.n jaa.n ko tasadduq me.n

tumhaare rauza tak gar ho guzar yaa shaah-e-jiilaanii

karo lillaah 'inaayat kii nazar yaa shaah-e-jiilaanii

ki hove duur sab dil se zarar yaa shaah jiilaanii

nahii.n duurii se mujh ko chain pa.Dtaa hai yahaa.n dam bhar

ta.Daptaa huu.n KHudaa-raa lo KHabar yaa shaah-e-jiilaanii

samar laa.e shajar apnaa tamnnaa-e-mohabbat kaa

jo jaldii se karo tum baarvar yaa shaah jiilaanii

rahe kalima zabaa.n par yaad bas dil me.n tumhaarii ho

jahaa.n se jis gha.Dii hove safar yaa shaah-e-jiilaanii

dikhaa do KHvaab me.n apnaa mujhe to ruu-e-nuuraanii

yahii hai dard bas shaam-o-sahar yaa shaah-e-jiilaanii

tumhii.n ho 'aashiq-e-yazdaa.n tumhe.n ho dilbar-e-yazdaa.n

tumhe.n haasil sabho.n se hai vaqar yaa shaah-e-jiilaanii

phiruu.n mai.n misl-e-‘parvaana’ karuu.n jaa.n ko tasadduq me.n

tumhaare rauza tak gar ho guzar yaa shaah-e-jiilaanii