ہاتھ میں لے کر یہ بولے مرتضیٰ کچھ اور ہے

ہاتھ میں لے کر یہ بولے مرتضیٰ کچھ اور ہے

مرتبہ تیغِ نبی کا با خدا کچھ اور ہے

مصطفیٰ تک جانے والے راستے تو ہیں بہت

مرتضیٰ جس پر چلیں وہ راستہ کچھ اور ہے

ہیں کئی شکلیں زمانے میں وفاؤں کی مگر

سر کٹا کر دیں بچانا یہ وفا کچھ اور ہے

کل صحابی اپنے رتبے پر مسلم ہیں مگر

خم کے منبر پر علی کا مرتبہ کچھ اور ہے

دین کی کشتی بھنور میں ڈوب سکتی ہی نہیں

ناؤ جس کے ہاتھ ہے وہ ناخدا کچھ اور ہے

ہر مصیبت ہر مرض کی ہے دوا محسنؔ مگر

پنجتن کے پانچ ناموں کی شفا کچھ اور ہے