us ruKH-e-paak kaa jis bazm charchaa hogaa

us ruKH-e-paak kaa jis bazm charchaa hogaa

dar-o-diivaar se vaa.n nuur barastaa hogaa

kyuu.n na ho Gairat-e-barg shajar tuur-e-zabaa.n

jab mire mu.nh me.n tiraa vasf saraapaa hogaa

habbazaa saaf jabii.n salle-'alaa peshaanii

sho.ala-e-tuur KHajil dekh ye maathaa hogaa

us qad-e-paak ke saa.e kaa bandhaa hai jo KHayaal

aKHtar-e-baKHt 'adam me.n miraa chamkaa hogaa

maah-e-nau 'iid shafaa'at kaa chamak jaavegaa

jis taraf hashr me.n abruu kaa ishaara hogaa

shaan-e-mahbuubii se jab aap nikal aa.e.nge

ruu-kash-e-sahn-e-chaman hashr kaa arsa hogaa

jaa.e.nge suu-e-chaman kunj-e-qafas se chhuT kar

apnii qismat me.n ko.ii aur bhii aisaa hogaa

ham-safiiro miraa ahvaal bhii kahlaa bhejo

ko.ii zaddaar madiine ko bhii jaataa hogaa

hai madiine kii ziyaarat kaa jo 'kaafii' mushtaaq

ye iraada miraa yaa-rab kabhii puraa hogaa

us ruKH-e-paak kaa jis bazm charchaa hogaa

dar-o-diivaar se vaa.n nuur barastaa hogaa

kyuu.n na ho Gairat-e-barg shajar tuur-e-zabaa.n

jab mire mu.nh me.n tiraa vasf saraapaa hogaa

habbazaa saaf jabii.n salle-'alaa peshaanii

sho.ala-e-tuur KHajil dekh ye maathaa hogaa

us qad-e-paak ke saa.e kaa bandhaa hai jo KHayaal

aKHtar-e-baKHt 'adam me.n miraa chamkaa hogaa

maah-e-nau 'iid shafaa'at kaa chamak jaavegaa

jis taraf hashr me.n abruu kaa ishaara hogaa

shaan-e-mahbuubii se jab aap nikal aa.e.nge

ruu-kash-e-sahn-e-chaman hashr kaa arsa hogaa

jaa.e.nge suu-e-chaman kunj-e-qafas se chhuT kar

apnii qismat me.n ko.ii aur bhii aisaa hogaa

ham-safiiro miraa ahvaal bhii kahlaa bhejo

ko.ii zaddaar madiine ko bhii jaataa hogaa

hai madiine kii ziyaarat kaa jo 'kaafii' mushtaaq

ye iraada miraa yaa-rab kabhii puraa hogaa