نام و نسب قبیلہ ہمارا علی علی

نام و نسب قبیلہ ہمارا علی علی

ایمان و دین اپنا عقیدہ علی علی

مرشد، امام، ہادی و رہبر، صراطِ حق

مشرب، مزاج، اپنا طریقہ علی علی

باب العلوم، شیرِ خدا، شاہِ مشرقین

مشکل کشا، امامِ یگانہ علی علی

ارض و سما غبارِ قدم میں ہیں جس کی گُم

وہ بو تراب، نورِ سراپا علی علی

دیدار ان کا کیوں نا عبادت ہو مومنو

اللہ کا، نبی کا نظارہ علی علی

سیراب ہوگا حشر میں کوثر کے جام سے

جس نے بھی تشنگی میں پکارا علی علی

نادِ علی ہے وردِ زباں خوف کس لیے

کیوں کر گروں میں جب ہے سہارا علی علی

منزل طواف کرتی ہے صبح و مسا مرا

زادِ سفر ہے ذکر تمہارا علی علی

غم کے اندھیرے مٹتے ہیں ذکرِ حبیب سے

پڑھتے چلو مدام وظیفہ علی علی

رہتی ہے یادگارؔ سرِ طور کی ضیا

دل میں ہمارے جب سے سمایا علی علی