اب قیامت تک نہ ہوگا ایسا سجدہ کر دیا

اب قیامت تک نہ ہوگا ایسا سجدہ کر دیا

کربلا کو ایک سجدے نے معلیٰ کر دیا

وعدہ طفلی نبھا کر دعویٰ پکا کر دیا

امتِ عاصی کا جنت میں ٹھکانہ کر دیا

جاں نثاروں کو نوازا اس طرح شبیر نے

دونوں عالم میں سبھی کا بول بالا کر دیا

چڑھ کے نیزے پر سنایا آپ نے قرآن پاک

شاہ نے یوں حق و باطل کا خلاصہ کر دیا

شہ کے ہی فیضان سے غوث و قطب خواجہ ہیں لوگ

جس کو چاہا اس کے قدموں میں زمانہ کر دیا

سر کٹا کر گھر لٹا کر دیں بچایا شاہ نے

دیں اٹھایا پستی سے اوپر دوبالا کر دیا

آپ کا تنہاؔ ہے اب اس دور میں زندہ مثال

جب بھی چاہا آپ نے ادنیٰ کو اعلیٰ کر دیا