کل ہم جو گئے باغ میں ٹک لطف اُٹھانے

کل ہم جو گئے باغ میں ٹک لطف اٹھانے

اور دل کو لگے سیر گلستاں کی دکھانے

اتنے میں کہوں کیا تجھے اے یار یگانے

بر بود دلم در چمنے سردِ روانے

زریں کمرے، سیمبرے، موے میانے

وہ شوخ کہ عالم میں نہ دیکھا ہو کسی نے

وہ حسن کہ نے حور نے پایا نہ پری نے

کیا تجھ سے کہوں اس کی میں خوبی کے قرینے

خورشید رخے، ماہ دشے، زہرہ جبینے

یا قوت لبے، سنگ دلے، تنگ دہانے

گلفام، گل اندام، دلارام، نکوئے

دلدار، دل آزار جفا کار، وہ روئے

آہو صفتے کبک تگے، عنبریں موئے

بیداد گرے کج کلہے، عربدہ جوئے

شکر شکنے، تیرے قدے، سخت کمانے

ابرو خم طاق حرم و زلف کنشتے

قد رنج دلِ طوبیٰ و رخ رشکِ بہشتے

تل نقش سوید اے دل و خط لبِ کشتے

جادو نظرے عشوہ گرے، حسن سرشتے

آسیب دلے، رنج تنے، آفت جانے

وہ رخ کہ ہر اک شوخِ پری زاد کو شہ دے

وہ زلف کہ سنبل جسے بیتاب ہو کہہ دے

گر حور بھی دیکھے تو اسے جان میں رہ دے

عیسیٰ نفسی، خضر رہے، یوسف عہدے

جم مرتبہ، تا جورے، شاہ جہانے

شمشیر نگہ، تیر مژہ، قاتِل خلقے

غارت گرو برباد دہِ حاصلِ خلقے

مشہورِ جہاںِ، فتنۂ جاں، مقبل خلقے

تنگِ شکرے، چوں شکر دردل خلقے

شوخے، نمکینے، چو نمک شورِ جہانے

کیا اس کی میں تعریف کہوں حسنِ ادا کی

ہے ختم دو عالم کی اسی شوخ پہ خوبی

پھر مثل نظیرؔ اس بتِ رعنا سے لگا جی

بے زلف و رخ و لعلِ لب او شدہ سعدیؔ

آہے و بخارے وغبار و دخانے