ilahi main tujhse dua mangta hun

karam māñgtā huuñ 'atā māñgtā huuñ

ilāhī maiñ tujh se du'ā māñgtā huuñ

'atā kar tu shān-e-karīmī kā sadqa

dilā de ilāhī rahīmī kā sadqa

na māñgūñgā tujh se to māñgūñgā kis se

terā huuñ maiñ tujh se du'ā māñgtā huuñ

ilāhī hamesha tu masrūr rakhnā

balāoñ se ham ko bahut duur rakhnā

pareshāniyāñ ham ko ghere hue hai

maiñ un se terā aasrā māñgtā huuñ

jo muflis haiñ un ko tu daulat 'atā kar

jo bīmār haiñ un ko sehat 'atā kar

marīzoñ kī ḳhātir shifā māñgtā huuñ

ilāhī maiñ tujh se du'ā māñgtā huuñ

jo nādār haiñ kuchh nahīñ jin ke palle

unheñ bhī dikhā de haram ke tu jalve

huzūrī ho sab kī du'ā māñgtā huuñ

ilāhī maiñ tujh se du'ā māñgtā huuñ

vatan ke bhaḌakte sharāre bujhā de

use tū uḳhuvvat kā gulshan banā de

maiñ amn-o-amāñ kī ridā māñgtā huuñ

ilāhī maiñ tujh se du'ā māñgtā huuñ

ilāhī tujhe vāsta panjtan kā

ho shādāb ġhuncha diloñ ke chaman kā

maiñ sadqa-ġhaus-ul-varā māñgtā huuñ

ilāhī maiñ tujh se du'ā māñgtā huuñ

karam mangta hun 'ata mangta hun

ilahi main tujh se du'a mangta hun

'ata kar tu shan-e-karimi ka sadqa

dila de ilahi rahimi ka sadqa

na mangunga tujh se to mangunga kis se

tera hun main tujh se du'a mangta hun

ilahi hamesha tu masrur rakhna

balaon se hum ko bahut dur rakhna

pareshaniyan hum ko ghere hue hai

main un se tera aasra mangta hun

jo muflis hain un ko tu daulat 'ata kar

jo bimar hain un ko sehat 'ata kar

marizon ki KHatir shifa mangta hun

ilahi main tujh se du'a mangta hun

jo nadar hain kuchh nahin jin ke palle

unhen bhi dikha de haram ke tu jalwe

huzuri ho sab ki du'a mangta hun

ilahi main tujh se du'a mangta hun

watan ke bhaDakte sharare bujha de

use tu uKHuwwat ka gulshan bana de

main amn-o-aman ki rida mangta hun

ilahi main tujh se du'a mangta hun

ilahi tujhe wasta panjtan ka

ho shadab ghuncha dilon ke chaman ka

main sadqa-ghaus-ul-wara mangta hun

ilahi main tujh se du'a mangta hun