hazir huzur mein shoara-e-dayar hain

hāzir huzūr meñ sho.arā-e-dayār haiñ

maddāh-e-hazrat-e-shah-e-ālī-vaqār haiñ

ḳhamse agar haiñ sau to qasīde hazār haiñ

ek un meñ abd-e-āl-o-shah-e-nāmdār haiñ

un meñ haiñ do sharaf ki hakīm-o-faqīr haiñ

yaktā haiñ vo ki aap hī apnī nazīr haiñ

har ek un meñ fard hai har ek intiḳhāb

har ek be-misāl hai har ek lā-javāb

kahtī hai jin ko ḳhalq makān-e-suḳhan kā baab

karte haiñ ye ḳhayāl ki mauzūñ miyān-e-ḳhvāb

mazmūn nazm karte haiñ vo apne haal meñ

guzre na 'anvarī' ke jo ḳhvāb-o-ḳhayāl meñ

'shaidā' ke har kalām kī vo be-misāliyāñ

vo 'shāh-benazīr' kī nāzuk-ḳhayāliyāñ

mīThī haiñ jin kī qand-e-mukarrar se gāliyāñ

aur us 'faroġh'-e-ḳhasta kī ye be-kamāliyāñ

kis fan kā kis hunar kā yahāñ aadmī nahīñ hai

daulat to luT rahī hai magar kuchh kamī nahīñ hai

hazir huzur mein shoara-e-dayar hain

maddah-e-hazrat-e-shah-e-ali-waqar hain

KHamse agar hain sau to qaside hazar hain

ek un mein abd-e-al-o-shah-e-namdar hain

un mein hain do sharaf ki hakim-o-faqir hain

yakta hain wo ki aap hi apni nazir hain

har ek un mein fard hai har ek intiKHab

har ek be-misal hai har ek la-jawab

kahti hai jin ko KHalq makan-e-suKHan ka bab

karte hain ye KHayal ki mauzun miyan-e-KHwab

mazmun nazm karte hain wo apne haal mein

guzre na 'anwari' ke jo KHwab-o-KHayal mein

'shaida' ke har kalam ki wo be-misaliyan

wo 'shah-benazir' ki nazuk-KHayaliyan

miThi hain jin ki qand-e-mukarrar se galiyan

aur us 'farogh'-e-KHasta ki ye be-kamaliyan

kis fan ka kis hunar ka yahan aadmi nahin hai

daulat to luT rahi hai magar kuchh kami nahin hai