maine rahat se tere hijr ki raaten kaTin

maiñ ne rāhat se tire hijr kī rāteñ kāTīñ

chārā-sāzāñ bar-andesh kī bāteñ kāTīñ

dil jo taḌpā tirī furqat meñ to ārām rahā

rāt-din tere tasavvur se mujhe kaam rahā

kyā gilā ḳhvāb meñ sūrat na dikhā.ī mujh ko

niiñd hī jab na shab-e-ġham kabhī aa.ī mujh ko

dil mirā jalva-gah-e-tūr nazar aatā hai

har sitāre meñ tirā nuur nazar aatā hai

raat ko jalva-e-mastūr tirā phailā hai

chāñd kā nuur nahīñ nuur tirā phailā

shab ko vā dīda-e-bedār bedār rahā kartā hai

har sitāra mujhe hairat se takā kartā hai

saath merā terā ai ā.īna rahtā thā

vo bhī din yaad haiñ jab sāmne tū rahtā thā

main ne rahat se tere hijr ki raaten kaTin

chaara-sazan bar-andesh ki baaten kaTin

dil jo taDpa teri furqat mein to aaram raha

raat-din tere tasawwur se mujhe kaam raha

kya gila KHwab mein surat na dikhai mujh ko

nind hi jab na shab-e-gham kabhi aai mujh ko

dil mera jalwa-gah-e-tur nazar aata hai

har sitare mein tera nur nazar aata hai

raat ko jalwa-e-mastur tera phaila hai

chand ka nur nahin nur tera phaila

shab ko wa dida-e-bedar bedar raha karta hai

har sitara mujhe hairat se taka karta hai

sath mera tera ai aaina rahta tha

wo bhi din yaad hain jab samne tu rahta tha