wiladat-e-rasul

aaj hai us nabī kī vilādat kā din

saare nabiyoñ kī jis ko imāmat milī

har ghaḌī us ghaḌī kā qasīda paḌhe

ḳhaak ko jab sitāroñ kī azmat milī

jhūTī ma.abūdiyat muñh ke bal gir paḌī

sahn-e-ka.aba ko sachchī ibādat milī

dast-e-bū-jahl meñ bol uThīñ kañkareñ

be-zabānoñ se haq kī shahādat milī

pahuñchī insāniyat apnī me.arāj ko

aadmī ko ḳhudā kī ḳhilāfat milī

farsh se arsh tak ḳhair-maqdam huā

jis ko arz-o-samā kī qayādat milī

jis ne aañsū bahā.e hamāre liye

jis ko ham sī gunāhgār ummat milī

aaj hai us nabi ki wiladat ka din

sare nabiyon ki jis ko imamat mili

har ghaDi us ghaDi ka qasida paDhe

KHak ko jab sitaron ki azmat mili

jhuTi mabudiyat munh ke bal gir paDi

sahn-e-kaba ko sachchi ibaadat mili

dast-e-bu-jahl mein bol uThin kankaren

be-zabanon se haq ki shahadat mili

pahunchi insaniyat apni mearaj ko

aadmi ko KHuda ki KHilafat mili

farsh se arsh tak KHair-maqdam hua

jis ko arz-o-sama ki qayaadat mili

jis ne aansu bahae hamare liye

jis ko hum si gunahgar ummat mili