भ्रांति तथा परमतत्व - माधो भरम कैसेहु न बिलाइ ताते द्वैत दरसै आई

माधो भरम कैसेहु न बिलाइ ताते द्वैत दरसै आई

माधो भरम कैसेहु न बिललाइ ताते द्वैत दरसै आई

कनक कुंडल सूत पट जुदा रजु भुअंग भ्रम जैसा

जल तरंग पाहन प्रतिमा ज्यों ब्रह्म जीव दुति ऐसा

बिमल एक रस उपजे न बिनसै उदय अस्त दोउ नाहीं

बिगता बिगत घटै नहिं कबहूँ बसत बसै सब मांही

निश्चल निराकार अज अनुपम निरभय गति गोविंदा

अगम अगोचर अच्छर अतरक निरगुन अंत अनंदा

सदा अतीत ज्ञानघन बर्जित निरबिकार अविनासी

कह 'रैदास' सहज सुन्न सत जीवन मुक्त निधि कासी