تا ہست جہاں بزم رندانہ سلامت باد

رہتی دنیا تک رندوں کی یہ بزم سلامت رہے (عشق الٰہی اور حبِ رسول اکرم کی بزم)، میرا عہد اگر ٹوٹ جائے تو پیمانہ سلامت رہے (یعنی پیمانے سے تعلق کا جو عہد کیا ہے، وہ دینوی الجھنوں میں پڑ کر ٹوٹ جائے تو پھر عہد استوار کر لیں گے پیمانے کو سلامت رہنا چاہیے)۔

اگر محتسب شہر (عقل عیار) میرا سبو (شراب کا مٹکا یا صراحی) توڑ دے تو کوئی پروا نہیں، میخانہ سلامت رہے (عشق الٰہی کا میخانہ سلامت رہے تو عقل عیار کا عشق پر ہمیشہ غلبہ نہیں رہ سکتا پھر عشق غالب ہو جائے گا)۔

اے میرے دوست (عقل مصلحت اندیش) اس کے عشق کی خوں خواری سے کیوں ڈرتا ہے، اگر میں عشق کی راہ میں جان سے گذر گیا تو کیا فکر؟ معشوق سلامت رہے (معشوق کا سلامت رہنا عاشق کی منتہائے فکر ہے)۔

دل ویرانہ جب (معشوق حقیقی) کی محبت کا مخزن بن گیا، تو اب مجھ کو آبادی دل کی تمنا نہیں یہ ویرانہ سلامت رہے۔