salaam ai aamna ke laal ai mahbuub-e-sub.haanii

salaam ai aamna ke laal ai mahbuub-e-sub.haanii

salaam ai faKHr-e-maujuudaat faKHr-e-nau’-e-insaanii

salaam ai zill-e-rahmaanii salaam ai nuur-e-yazdaanii

tiraa naqsh-e-qadam hai zindagii kii lauh-e-peshaanii

salaam ai sirr-e-vahdat ai siraaj-e-bazm-e-iimaanii

zahe ye ’izzat-afzaa.ii hai tashriif-arzaa.ii

tire aane se raunaq ga.ii gulzaar-e-hastii me.n

shariik-e-haal-e-qismat ho gayaa phir fazl-e-rabbaanii

salaam e saahib-e-kHulq-e-'ziim insaa.n ko sikhlaa.e

yahii a’amaal-e-paakiiza yahii ashGaal-e-ruuhaanii

tirii suurat tirii siirat tiraa naqsha tiraa jalva

tabassum guftuguu banda navaazii KHanda-peshaanii

agarche faqro-fakHrii rutba hai terii qanaa'at kaa

magar qadmo.n tale hai farr-e-kisraa.ii-o-kHaaqaanii

zamaana muntazir hai ab na.ii shiiraaza-bandii kaa

bahut kuchh ho chukii ajzaa-e-hastii kii pareshaanii

zamii.n kaa gosha gosha nuur se maa'muur ho jaa.e

tire partav se mil jaa.e har ik zarre ko taabaanii

‘hafiiz’-e-be-navaa bhii hai gadaa-e-kuucha-e-ulfat

'aqiidat kii jabii.n terii muravvat se hai nuuraanii

tiraa dar ho miraa sar ho miraa dil ho tiraa ghar ho

tamannaa muKHtasar sii hai magar tamhiid tuulaanii

salaam ai aatishii.n zanjiir-e-baatil to.Dne vaale

salaam ai KHaak ke TuuTe hue dil jo.Dne vaale

salaam ai aamna ke laal ai mahbuub-e-sub.haanii

salaam ai faKHr-e-maujuudaat faKHr-e-nau’-e-insaanii

salaam ai zill-e-rahmaanii salaam ai nuur-e-yazdaanii

tiraa naqsh-e-qadam hai zindagii kii lauh-e-peshaanii

salaam ai sirr-e-vahdat ai siraaj-e-bazm-e-iimaanii

zahe ye ’izzat-afzaa.ii hai tashriif-arzaa.ii

tire aane se raunaq ga.ii gulzaar-e-hastii me.n

shariik-e-haal-e-qismat ho gayaa phir fazl-e-rabbaanii

salaam e saahib-e-kHulq-e-'ziim insaa.n ko sikhlaa.e

yahii a’amaal-e-paakiiza yahii ashGaal-e-ruuhaanii

tirii suurat tirii siirat tiraa naqsha tiraa jalva

tabassum guftuguu banda navaazii KHanda-peshaanii

agarche faqro-fakHrii rutba hai terii qanaa'at kaa

magar qadmo.n tale hai farr-e-kisraa.ii-o-kHaaqaanii

zamaana muntazir hai ab na.ii shiiraaza-bandii kaa

bahut kuchh ho chukii ajzaa-e-hastii kii pareshaanii

zamii.n kaa gosha gosha nuur se maa'muur ho jaa.e

tire partav se mil jaa.e har ik zarre ko taabaanii

‘hafiiz’-e-be-navaa bhii hai gadaa-e-kuucha-e-ulfat

'aqiidat kii jabii.n terii muravvat se hai nuuraanii

tiraa dar ho miraa sar ho miraa dil ho tiraa ghar ho

tamannaa muKHtasar sii hai magar tamhiid tuulaanii

salaam ai aatishii.n zanjiir-e-baatil to.Dne vaale

salaam ai KHaak ke TuuTe hue dil jo.Dne vaale