سلام اس پہ جسے دین سے عقیدت تھی
سلام اس پہ جسے دین سے عقیدت تھی
درود اس پہ جسے کفر سے کدورت تھی
سلام اس پہ شریعت کا جو پیامی تھا
درود اس پہ طریقت کا بھی جو حامی تھا
سلام اس پہ حقیقت تھی خود جسے مرغوب
درود اس پہ جسے معرفت ہی تھی محبوب
سلام اس پہ جو غیروں کا دوست دار رہا
درود اس پہ جو بیگانوں پر نثار رہا
سلام اس پہ محبت تھی جس کو الفت سے
درود اس پہ حقارت تھی جس کو نفرت سے
سلام اس پہ تھے مقصود جس کو صدق و صفا
درود اس پہ تھے مردود جس کو مکر و ریا
سلام اس پہ جو تھا سادگی کا پروانہ
درود اس پہ تصنع سے جو تھا بیگانہ
سلام اس پہ جو تھا جاں نثار وحدت کا
درود اس پہ جو الحاد و شرک پر برسا
سلام اس پہ جو امن و اماں کا پیکر تھا
درود اس پہ جو ایثار کا پیمبر تھا
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
