مخزنِ آیاتِ قرآں الصلوٰ ۃ والسلام
مخزنِ آیاتِ قرآں الصلوٰ ۃ والسلام
شانِ والا شانِ رحماں الصلوٰۃ والسلام
ایک اِک دھڑکن پہ سو سو رحمتوں کا ہو نزول
دل سے دہرائے جو انساں الصلوٰۃ والسلام
اہل ایماں کے لیے اہل عقیدت کے لیے
آفتابِ علم و عرفاں الصلوٰۃ والسلام
غنچہ و گل کی چمن میں کچھ حقیقت ہی نہیں
کہتا ہے جوشِ بہاراں الصلوٰۃ والسلام
رحمتیں منہ چوم لیتی ہیں خود اس کا دوڑ کر
جو کہے اے شاہِ شاہاں الصلوٰۃ والسلام
جب کہیں کچھ بھی نہ ہوگا ذات واحد کے سوا
خود بخود ہو گا نمایاں الصلوٰۃ والسلام
بزمِ ہستی میں اتر آئیں فرشتوں کی صفیں
واقعی ہے جانِ جاناں الصلوٰۃ والسلام
کربلا میں کہہ رہا تھا ہر ملک رو کر صبیحؔ
شاہدِ شاہِ شہیداں الصلوٰۃ والسلام
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
