آپ کیا جانیں کہ کیا ہے کربلا

آپ کیا جانیں کہ کیا ہے کربلا

ذہنِ انساں سے ماورا ہے کربلا

انتہائے ظلم و استبداد شام

اور اس کی ابتدا ہے کربلا

معترف ہے جس کی ساری کائنات

حق کا ایسا معرکہ ہے کربلا

پوچھتا کیا ہے ٹھکانوں کو مرے

یا نجف ہے دوست یا ہے کربلا

ہو رہا ہے جا بجا ذکر حسین

مرکزِ آہ و بکا ہے کربلا

کیا حقیقت آپ کے سجدوں کی ہے

سجدہ گاہ انبیا ہے کربلا

حضرتِ آدم سے خاتم تک سعیدؔ

سلسلہ در سلسلہ ہے کربلا