تم شہِ کون و مکاں ہو
تم شہِ کون و مکاں ہو
تم ہی رازِ کن فکاں ہو
تم نبی ِہر زماں ہو
تم ہی تاجِ مرسلاں ہو
تم انیسِ بے کساں ہو
تم امانِ بے اماں ہو
تم شفیع عاصیاں ہو
ہم پہ تم بھی مہرباں ہو
تم ہی تاجِ عارفاں ہو
نعمتِ ہر دو جہاں ہو
تم ہی بدرِ کاملاں ہو
تم امانِ بے اماں ہو
حشر کی جب بے کسی ہو
جب خطا سب کی عیاں ہو
ہم گنہگاروں پہ یارب
ان کی رحمت سائباں ہو
حوض پر چوچھیں جو تم سے
کون ہو آئے کہاں ہو
ہم وہیں جائیں گے کہنا
ساقیٔ کوثر جہاں ہو
حشر میں ان کے کرم سے
ساری امت شادماں ہو
آل پر زینب کے یارب
ان کی رحمت بے کراں ہو
جب لبوں پر اپنی جاں ہو
سامنے وہ جانِ جاں ہو
دیدہ و دل شادماں ہو
اور میرے وردِ زباں ہو
تم مرے جانانِ جاں ہو
تم پر یہ قربانِ جاں ہو
بر ہلالؔ خستہ جاں ہو
اک نگہ آرام ِ جاں ہو
- کتاب : المجیب (Pg. 534)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
