مرے مصطفیٰ تم پہ لاکھوں سلام
مرے مصطفیٰ تم پہ لاکھوں سلام
حبیبِ خدا تم پہ لاکھوں سلام
شہِ دوسرا تم پہ لاکھوں سلام
حقیقت نما تم پہ لاکھوں سلام
ہے باغِ خدائی کی تم سے بہار
گلِ مدعا تم پہ لاکھوں سلام
سراپا ہو تم جلوۂ کبریا
جمالِ خدا تم پہ لاکھوں سلام
ہے آئینۂ حق تمہارا جمال
مرے حق نما تم پہ لاکھوں سلام
ہو تم مظہر عون رب بے گماں
کمالِ خدا تم پہ لاکھوں سلام
شفیعِ امم تم پہ لاکھوں درود
شہِ انبیا تم پہ لاکھوں سلام
امامِ رسل تم پہ لاکھوں درود
امام الہدیٰ تم پہ لاکھوں سلام
برا یا بھلا ہوں تمہارا ہوں میں
شفیع الوریٰ تم پہ لاکھوں سلام
دوا درد کی اے مرے چارہ ساز
عطا ہو عطا تم پہ لاکھوں سلام
قمرؔ کو تم اب فیض پُر نور سے
کرو پر ضیا تم پہ لاکھوں سلام
- کتاب : Tajalliyat-e-Qamar (Pg. 17)
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
