sher

bulbul sifat ai gul-badan is baaG me.n har sub.h
terii bahaaristaan kaa diivaana huu.n diivaana huu.n

Qadir Bakhsh Bedil

sher

baa.nd kar gulnaar chiiraa gul-badan jaataa hai baaG
aaj KHaatir me.n tire bulbul kii mismaarii hai kyaa

Turab Ali Dakni

sher

sar-o-barg-e-ḳhushī ai gul-badan tujh bin kahāñ mujh ko
gulistān-e-dil aayā fauj-e-ġham kī pā.emālī meñ

Mir Muhammad Bedar

sher

baraabar hai.n gar paas ho gul-badan
chaman ho ki ja.ngal che gulzaar ho

Kishan Singh Arif

sher

kam nahii.n gulshan me.n shabnam gul-badan gul-pairahan
Gusl kar mal-mal ke gar aab-e-ravaa.n miltaa nahii.n

sher

kam nahii.n gulshan me.n shabnam gul-badan gul-pairahan
Gusl kar mal-mal ke gar aab-e-ravaa.n miltaa nahii.n

Akbar Warsi Meerthi

sher

ai 'turaab' jab gul-badan ke dard suu.n giryaa.n kiyaa
daaman-e-gul par miraa har ashk durdaana hu.aa

Turab Ali Dakni

sher

aane do us gul-badan ko mujh me.n puure husn se
andaliib-e-dil huu.n aalam mujh par naalaa.n to sahii

Mardan Safi

sher

ai gul-badan meraa tuu.n chaman se na jaa na jaa
ruuhii fidaaka ya.anii vatan se na jaa na jaa

Qadir Bakhsh Bedil

sher

abhii to lag na chalnaa thaa 'asar' us gul-badan ke saath
ko.ii din dekhnaa thaa zaKHm-e-dil be-tarh aalaa thaa

Khwaja Meer Asar

sher

jaan se ho ga.e badan ḳhālī
jis taraf tū ne aañkh bhar dekhā

Khwaja Meer Dard

sher

samajh kar saa.np us ko vo gale se mere aa lipTaa
jo shab bistar pe dekhaa gul-badan ne haar kaa saayaa

Shah Naseer

sher

gul to gul KHaar tak chun liye hai.n
phir bhii KHaalii hai gulchii.n kaa daaman

Fana Nizami Kanpuri

sher

tere daaGo.n kii daulat ai gul-ruu
ham bhii siine me.n baaG rakhte hai.n

Ehsanullah Khan Bayan

sher

dikhaa mujh ko diidaar ai gul-ezaar
tujhe apne baaG-e-iram kii qasam

Kishan Singh Arif

sher

aah-e-sozaa.n o ashk-e-gul-guu.n se
kaar-e-barq-o-sahaab kartaa huu.n

Mir Muhammad Bedar

sher

kyuu.n na rashk aa.e gul-e-surKH pe shabnam ko dekh
ki meraa ashk terii kaan kaa gauhar na hu.aa

Shah Naseer

sher

un ko gul kaa muqaddar milaa
mujh ko shabnam kii qismat milii

Fana Nizami Kanpuri

sher

un ko gul kaa muqaddar milaa
mujh ko shabnam kii qismat milii

Fana Nizami Kanpuri

sher

ta.alluq to us gul se chho.Daa magar
kaleje me.n kaa.nTaa chubhaa rah gayaa

Muztar Khairabadi