sher

Gazab hai adaa chashm-e-jaaduu-asar me.n
ki dil pis gayaa bas nazar hii nazar me.n

Raqim Dehlvi

sher

us sarvar-e-dii.n par jaan fidaa kii jis ne namaaz-e-ishq adaa
talvaaro.n kii jhankaaro.n me.n aur tiiro.n kii bauchhaaro.n me.n

Umar Warsi

sher

sajda-e-ushshaaq kai gardad adaa
juz ba-mehraab-e-KHam-e-abruu-e-tuu

Ibrahim Aajiz

sher

adaa Gamze karishme ishve hai.n bikhre hu.e har-suu
saf-e-maqtal me.n yaa qaatil hai yaa andaaz-e-qaatil hai

Akbar Warsi Meerthi

sher

adaa Gamze karishme ishve hai.n bikhre hu.e har-suu
saf-e-maqtal me.n yaa qaatil hai yaa andaaz-e-qaatil hai

Akbar Warsi Meerthi

sher

mujh se adaa hu.aa hai 'jigar' justujuu kaa haq
har zarre ko gavaah kiye jaa rahaa huu.n mai.n

Jigar Moradabadi

sher

har adaa naaz me.n hai nok-chauk us ke 'firaaq'
khub ga.ii jii me.n hamaare yaar kii baa.nkii tarah

Hakeem Sanaullah Khan

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n

sher

hai har adaa me.n us kii ik jazb-e-kibriyaa.ii
tasviir se hai zaahir andaaz-e-dil-rubaa.ii

Masood Lakhimpuri

sher

miraa sajda-e-mohabbat kabhii is tarah adaa ho
ki mirii jabii.n jhuke jab na uThe tumhaare dar se

Jauhar Warsi

sher

kuchh bhiigii taalai.n holii kii kujh naaz adaa ke Dha.ng bhare
dil bhuule dekh bahaaro.n ko aur kaano.n me.n aaha.ng bhare

Nazeer Akbarabadi

sher

kuchh is adaa se aaj vo pahluu-nashii.n rahe
jab tak hamaare paas rahe ham nahii.n rahe

Jigar Moradabadi

sher

har ik adaa ko tirii laa-javaab kahte hai.n
sitam ko bhii karam-e-be-hisaab kahte hai.n

Barq Warsi

sher

KHanjar kaisaa faqat adaa se
ta.Dpaa ta.Dpaa ke maar Daalaa

Bedam Shah Warsi

sher

is adaa se mai.n ne dekhe daaG apne KHuun ke
ik tamaashaa roz-e-mahshar un kaa daamaa.n ho gayaa

Maikash Akbarabadi

sher

KHud adaa martii hai jis par vo adaa kuchh aur hai
hai vafaa bhii jis pe sadqe vo jafaa kuchh aur hai

Tasadduq Ali Asad

sher

ham gulshan-e-fitrat se jiine kii adaa le.nge
shaaKHo.n se lachak le.nge kaa.nTo.n se anaa le.nge

Fana Nizami Kanpuri

sher

ham gulshan-e-fitrat se jiine kii adaa le.nge
shaaKHo.n se lachak le.nge kaa.nTo.n se anaa le.nge

Fana Nizami Kanpuri

sher

'ishq vahii ta.Dap vahii husn vahii adaa vahii
husn kii ibtidaa vahii 'ishq kii intihaa vahii

Shah Waliur Rahman Jamali

sher

dilrubaa.ii kii adaa yuu.n na kisii ne paa.ii
mere sarkaar se pahle mire sarkaar ke ba.ad

Purnam Allahabadi