sher

ishq kii daulat dil-e-muztar kaa hai ghar aag me.n
kyuu.n na ho iksiir paara kushta ho gar aag me.n

Shah Naseer

sher

lagaa dii aag un ke sho.ala-e-aariz ne gulshan me.n
zar-e-gul ban ga.ii.n chi.ngaariyaa.n phuulo.n ke daaman me.n

Hasan Imam Warsi

sher

aag lagii vo ishaq kii sar se mai.n paa.nv tak jalaa
fart-e-KHushii se dil miraa kahne lagaa jo ho so ho

sher

sharaab-e-naab to kyaa aag paanii ban ke barse gii
agar abr-e-bahaar us aatish-e-gul kaa dhu.aa.n hogaa

Riyaz Khairabadi

sher

butoñ ke liye sab jale aag meñ
jahannam pe jannat fidā ho ga.ī

Muztar Khairabadi

sher

aag lagii vo ishaq kii sar se mai.n paa.nv tak jalaa
fart-e-KHushii se dil miraa kahne lagaa jo ho so ho

Abdul Hadi Kavish

sher

lagaa.ii aag bhii is ehtimaam se us ne
hamaaraa jaltaa hu.aa ghar nigaar-KHaana lagaa

Muzaffar Warsi

sher

jab aag dhadaktii ho us par mat chiiTiyo tel KHudaa raa tum
kyaa dil kii KHushii ko puuchho ho ai yaaro ik naashaad satii

Ghulam Naqshband Sajjad

sher

jab aag dhadaktii ho us par mat chiiTiyo tel KHudaa raa tum
kyaa dil kii KHushii ko puuchho ho ai yaaro ik naashaad satii

Ghulam Naqshband Sajjad

sher

diin-o-iimaan par girii bijlii
lag ga.ii aag paarsaa.ii me.n

Fazihat Shah Warsi

sher

dil ishq me.n hotaa hai maa.il-ba-fuGaa.n pahle
jab aag sulagtii hai uThtaa hai dhu.aa.n pahle

Fana Nizami Kanpuri

sher

'purnam' Gam-e-ulfat me.n tum aa.nsuu na bahaa.o
is aag ko paanii se bujhaayaa nahii.n jaataa

Purnam Allahabadi

sher

dekhte the taKHta-e-gul-haa-e-aatish kii bahaar
jis tarah yaaro KHaliilullaah payambar aag me.n

Shah Naseer

sher

par karaamat hai qabaa-e-surKH me.n terii kamar
varna muu saabit nahii.n rahtaa hai dilbar aag me.n

Shah Naseer

sher

aatish-e-dozaKH kaa ham tar-daamano.n ko kyaa hai KHauf
vaa.izaa jaltii nahii.n hai haizam-e-tar aag me.n

Shah Naseer

sher

vo kaun din hai ki Gairo.n ko KHat nahii.n likhtaa
qalam ke ban ko lage aag aur jale kaaGaz

Ehsanullah Khan Bayan

sher

aatishii.n ruKH par tire dekhe araq-aaluud KHat
jis ne gar sabza kabhuu dekhaa na ho tar aag me.n

Shah Naseer

sher

vo fasl-e-gul me.n dil ko jalaa kar chale gaye
is martaba to aag lagaa dii bahaar ne

Kamil Shattari