sher

merii KHushii KHushii nahii.n meraa alam alam nahii.n
mujh ko ha.nsaa gayaa ko.ii mujh ko rulaa gayaa ko.ii

Qaisar Shah Warsi

sher

be-faa.eda alam nahii.n be-kaar Gam nahii.n
taufiiq de KHudaa to ye nemat bhii kam nahii.n

Jigar Moradabadi

sher

merii zindagii pe na muskuraa mujhe zindagii kaa alam nahii.n
jise tere Gam se ho vaastaa vo KHizaa.n bahaar se kam nahii.n

Shakeel Badayuni

sher

furqat me.n tire Gam-o-alam ne
tanhaa mujhe paa ke maar Daalaa

Bedam Shah Warsi

sher

pa.Dh pa.Dh ilam hazaar kitaabaa.n aalim ho.e bhaare huu
harf ik ishq daa pa.Dh na jaanan bhulle phiran vichaare huu

Sultan Bahu

sher

mai.n hamesha asiir-e-alam hii rahaa mire dil me.n sadaa teraa Gam hii rahaa
miraa naKHl-e-ummiid qalam hii rahaa mere rone kaa ko.ii samar na milaa

Muhammad Akbar Warsi

sher

mai.n hamesha asiir-e-alam hii rahaa mire dil me.n sadaa teraa Gam hii rahaa
miraa naKHl-e-ummiid qalam hii rahaa mere rone kaa ko.ii samar na milaa

Akbar Warsi Meerthi

sher

baaG-e-aalam me.n hame.n phuulne-phalne na diyaa
aasmaa.n ne ko.ii armaa.n nikalne na diyaa

Kausar Khairabadi

sher

dilo.n ko fikr-e-do-aalam se kar diyaa aazaad
tire junuu.n kaa KHudaa silsila daraaz kare

Hasrat Mohani

sher

ahl-e-aalam kahte hai.n jas kau shahanshaah-e-suKHan
mai.n bhii huu.n shaagird 'kausar' as jagat ustaad kaa

Kausar Khairabadi

sher

tire Gam ko duniyaa me.n ai jaan-e-aalam
ko.ii ruuh mahruum-e-raahat nahii.n hai

Hasrat Mohani

sher

gulshan-e-aalam kii mai.n ne Daalii-Daalii dekh lii
phuul to achchhe hai.n sab lekin vafaa kii buu nahii.n

Muztar Khairabadi

sher

ye aalam hai 'riyaaz' ek-ek qatra ko tarastaa huu.n
haram me.n ab KHudaa jaane bharii botal kahaa.n rakh dii

Riyaz Khairabadi

sher

kuchh is aalam me.n vo be-parda nikle sair-e-gulshan ko
ki nasrii.n apnii KHushbuu ra.ng bholii nastaran apnaa

Hasrat Mohani

sher

ek aalam abhī hairat-zada kar aayā tū
phir ab ai ā.īna-ruḳhsār kahāñ jaatā hai

Meer Muhammad Bedar

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

Abdul Hadi Kavish

sher

tumhe.n ilm kuchh jo ho aalimo to bataa do mujh ko na chup raho
ki sharaab-e-ishq kaa mast huu.n ye halaal hai ki haraam hai

Arsh Gayavi

sher

ishq me.n aisaa ik a.alam bhii guzar jaataa hai
zahn-o-idraak kaa ehsaas bhii mar jaataa hai

Aziz Warsi Dehlvi

sher

nahii.n thii ilm kuu vahaa.n kuchh tamiiz
o ijmaale vahdat me.n paayaa aziiz

Unknown