sher

be-faa.eda alam nahii.n be-kaar Gam nahii.n
taufiiq de KHudaa to ye nemat bhii kam nahii.n

Jigar Moradabadi

sher

merii zindagii pe na muskuraa mujhe zindagii kaa alam nahii.n
jise tere Gam se ho vaastaa vo KHizaa.n bahaar se kam nahii.n

Shakeel Badayuni

sher

pa.Dh pa.Dh ilam hazaar kitaabaa.n aalim ho.e bhaare huu
harf ik ishq daa pa.Dh na jaanan bhulle phiran vichaare huu

Sultan Bahu

sher

merii KHushii KHushii nahii.n meraa alam alam nahii.n
mujh ko ha.nsaa gayaa ko.ii mujh ko rulaa gayaa ko.ii

Qaisar Shah Warsi

sher

tire Gam ko duniyaa me.n ai jaan-e-aalam
ko.ii ruuh mahruum-e-raahat nahii.n hai

Hasrat Mohani

sher

KHudaa-yaa KHair karnaa nabz biimaar-e-mohabbat kii
ka.ii din se bahut barham mizaaj-e-naa-tavaanii hai

Jigar Moradabadi

sher

rah jaaye chand rose jo biimaar-e-Gam ke paas
KHud apnaa dil dabaa.e hu.e chaaragar phire

Fana Nizami Kanpuri

sher

aa.nsuu sa.nbhal ke po.nchhi.ye biimaar-e-ishq huu.n
dil bhii lagaa hu.aa hai merii chashm-e-nam ke saath

Kamil Shattari

sher

kuchh rahaa bhii hai biimaar-e-Gam me.n
ab davaa ho to kis kii davaa ho

Bedam Shah Warsi

sher

baaG-e-aalam me.n hame.n phuulne-phalne na diyaa
aasmaa.n ne ko.ii armaa.n nikalne na diyaa

Kausar Khairabadi

sher

furqat me.n tire Gam-o-alam ne
tanhaa mujhe paa ke maar Daalaa

Bedam Shah Warsi

sher

dilo.n ko fikr-e-do-aalam se kar diyaa aazaad
tire junuu.n kaa KHudaa silsila daraaz kare

Hasrat Mohani

sher

ahl-e-aalam kahte hai.n jas kau shahanshaah-e-suKHan
mai.n bhii huu.n shaagird 'kausar' as jagat ustaad kaa

Kausar Khairabadi

sher

gulshan-e-aalam kii mai.n ne Daalii-Daalii dekh lii
phuul to achchhe hai.n sab lekin vafaa kii buu nahii.n

Muztar Khairabadi

sher

ye aalam hai 'riyaaz' ek-ek qatra ko tarastaa huu.n
haram me.n ab KHudaa jaane bharii botal kahaa.n rakh dii

Riyaz Khairabadi

sher

kuchh is aalam me.n vo be-parda nikle sair-e-gulshan ko
ki nasrii.n apnii KHushbuu ra.ng bholii nastaran apnaa

Hasrat Mohani

sher

ek aalam abhī hairat-zada kar aayā tū
phir ab ai ā.īna-ruḳhsār kahāñ jaatā hai

Meer Muhammad Bedar

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

Abdul Hadi Kavish

sher

tumhe.n ilm kuchh jo ho aalimo to bataa do mujh ko na chup raho
ki sharaab-e-ishq kaa mast huu.n ye halaal hai ki haraam hai

Arsh Gayavi