sher

assalaam ai haq ke pyaare assalaam
aur mohammad ke dulaare assalaam

Sanjar Ghazipuri

sher

Gair-e-haq se jo haq ko maa.ng liyaa
shaiKH-jii par kare na khillii huur

Khwaja Ruknuddin Ishq

sher

'aarifaa' hai haq yahii bas Gair-e-haq kuchh bhii na jaan
pii mai-e-vahdat yahaa.n taaKHiir kii haajat nahii.n

Kishan Singh Arif

sher

miraa sajda-e-mohabbat kabhii is tarah adaa ho
ki mirii jabii.n jhuke jab na uThe tumhaare dar se

Jauhar Warsi

sher

mujh se adaa hu.aa hai 'jigar' justujuu kaa haq
har zarre ko gavaah kiye jaa rahaa huu.n mai.n

Jigar Moradabadi

sher

Gair-e-jauhar nahii.n e'raaz se un ko kuchh kaam
ra.ng-o-buu per nahii.n saahib-nazraa.n jaate hai.n

Meer Muhammad Bedar

sher

vo.ii maare anal-haq dam kare iz.haar sirr baham
ko.ii baa.ndhai kamar mohkam jo aape-aap suu.n la.Dnaa

Qadir Bakhsh Bedil

sher

KHvaab 'bedaar' musaafir ke nahii.n haq me.n KHuub
kuchh bhii hai tujh ko KHabar ham-safaraa.n jaate hai.n

Meer Muhammad Bedar

sher

khol aa.nkh apnī dekh ayaa.n haq kaa nuur hai
har barg va har shajar me.n usii kaa zuhuur hai

Ata Hussain Fani

sher

qayaamat aa chukii diidaar-e-haq hu.aa sab ko
ham ab talak bhii tiraa intizaar rakhte hai.n

Ehsanullah Khan Bayan

sher

kyuu.n-kar na qurb-e-haq kii taraf dil miraa kiijiye
gardan asiir-e-halqa-e-habl-ul-variid hai

Bedam Shah Warsi

sher

maqaam-e-rahmat-e-haq hai tire dar kii zamii.n vaaris
adaa ho jaa.e meraa bhii ko.ii sajda yahii.n vaaris

Qaisar Shah Warsi

sher

kahii.n hai abd kii dhun aur kahii.n shor-e-anal-haq hai
kahii.n iKHfaa-e-mastii hai kahii.n iz.haar-e-mastii hai

Bedam Shah Warsi

sher

yuu.n KHudaa kii KHudaa.ii bar-haq hai
par 'asar' kii hame.n to aas nahii.n

Khwaja Meer Asar

sher

chashm-e-haq-bii.n ho chukii hai shaad-kaam-e-aarzuu
to.Dtaa hai ab tilism-e-jalva-e-baatil mujhe

Pandit Shaeq Warsi

sher

mire aa.nsu.o.n ke qatre hai.n chaaraaG-e-rah-e-manzil
unhe.n raushnii milii hai tapish-e-dil-o-jigar se

Jauhar Warsi

sher

Gair-e-zaahir na mazaahir kii haqiiqat samjhuu.n
itnii tam.iiz miyaan-e-haq-o-baatil denaa

Aasi Ghazipuri

sher

kabhii samt-e-Gaib sii.n kyaa havaa ki chaman zuhuur kaa jal gayaa
magar ek shaaKH-e-nihaal-e-Gam jise dil kaho so harii rahii

Siraj Aurangabadi

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n