sher

kitne kam-zarf duniyaa me.n vo log hai.n ik zaraa Gam milaa aa.nkh nam ho ga.ii
Gam bhii allaah kii ik ba.Dii den hai hauslaa chaahiye zabt-e-Gam ke liye

Mahirul Qadri

sher

kam nahii.n gulshan me.n shabnam gul-badan gul-pairahan
Gusl kar mal-mal ke gar aab-e-ravaa.n miltaa nahii.n

sher

kam nahii.n gulshan me.n shabnam gul-badan gul-pairahan
Gusl kar mal-mal ke gar aab-e-ravaa.n miltaa nahii.n

Akbar Warsi Meerthi

sher

ruk ga.e aa.nsuu mire dard-e-jigar kuchh kam hu.aa
is but-e-siimii.n-badan kaa jab nazaara ho gayaa

Sanjar Ghazipuri

sher

vo KHudaa.ii ke luTaa.e jo KHazaane kam hai
miir usmaan-alii KHaan ko KHudaa detaa hai

Riyaz Khairabadi

sher

vo KHudaa.ii ke luTaa.e jo KHazaane kam hai
miir usmaan-alii KHaan ko KHudaa detaa hai

Riyaz Khairabadi

sher

vo KHudaa.ii ke luTaa.e jo KHazaane kam hai
miir usmaan-alii KHaan ko KHudaa detaa hai

Riyaz Khairabadi

sher

añdhere laakh chhā jaa.eñ ujālā kam nahīñ hotā
charāġh-e-ārzū jal kar kabhī maddham nahīñ hotā

Fana Bulandshahri

sher

Gair-e-jauhar nahii.n e'raaz se un ko kuchh kaam
ra.ng-o-buu per nahii.n saahib-nazraa.n jaate hai.n

Meer Muhammad Bedar

sher

diin-o-maz.hab se tire aashiq ko ab kyaa kaam hai
vo samajhtaa hii nahii.n kyaa kufr kyaa islaam hai

Irfan Islampuri

sher

allaah agar taufiiq na de insaan ke bas kaa kaam nahii.n
faizaan-e-mohabbat aam sahii irfaan-e-mohabbat aam nahii.n

Jigar Moradabadi

sher

kuchh aarzuu se kaam nahii.n 'ishq' ko sabaa
manzuur us ko hai vahii jo ho razaa-e-gul

Khwaja Ruknuddin Ishq

sher

haram hai jā-e-adab kaam degī jannat meñ
farishto taaq se botal zarā uThā denā

Riyaz Khairabadi

sher

bahr-e-ulfat me.n nahii.n kashtii kaa kaam
nuuh se kah do ye tuufaa.n aur hai

Ameer Minai

sher

yaa.n taGaaful me.n apnaa kaam hu.aa
tere nazdiik ye jafaa hii nahii.n

Khwaja Meer Asar

sher

kaam kuchh tere bhii hote terii marzii ke KHilaaf
haa.n magar mere KHudaa teraa KHudaa ko.ii nahii.n

Purnam Allahabadi

sher

chashm-e-haq-bii.n ho chukii hai shaad-kaam-e-aarzuu
to.Dtaa hai ab tilism-e-jalva-e-baatil mujhe

Pandit Shaeq Warsi

sher

kaaminii kaam kii kaThan pa.Dat hai gahirii a.ndherii raat
jal a.njulii jal paay pale pal tab tanuu suhaag

Devnath Maharaj

sher

kaam ka.aba se na hai ne der se
diin-o-iimaan yaa.n biraadar aur hai

Mardan Safi

sher

shaayad ki yahī aa.nsuu kaam aa.e.n mohabbat me.n
ham apnii mataa-e-Gam barbaad nahii.n karte

Fana Nizami Kanpuri