sher

muntazir rahnaa bhii kyaa chaahat kaa KHamyaaza nahii.n
kaan dastak par lage hai.n ghar kaa darvaaza nahii.n

Muzaffar Warsi

sher

muntazir hai aapke jalve kii nargis baaG me.n
gul garebaa.n-chaak shabnam ik tarf nam-diid hia

Bedam Shah Warsi

sher

dikhaa.iye aaj ruu-e-zebaa uThaa.iye darmiyaa.n se parda
kahaa.n se ab intizaar-e-fardaa yahii to sunte hai.n umr-bhar se

Ahqar Bihari

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

sher

ilm aur fazl ke diin-o-iimaan ke aql par merii 'kaavish' the parde pa.De
saare parde uThaa kar ko.ii ab mujhe apnaa jalva dikhaa.e to mai.n kyaa karuu.n

Abdul Hadi Kavish

sher

ai sham-e-dil-afroz shab-e-taar-e-mohabbat
tujh se hii hai ye garmii-e-baazaar-e-mohabbat

Meer Muhammad Bedar

sher

pa.D gayaa parda samaa.at par tirii aavaaz kaa
ek aahaT kitne ha.ngaamo.n pe haavii ho ga.ii

Muzaffar Warsi

sher

pa.D gayaa parda samaa.at par tirii aavaaz kaa
ek aahaT kitne ha.ngaamo.n pe haavii ho ga.ii

Muzaffar Warsi

sher

kuchh is aalam me.n vo be-parda nikle sair-e-gulshan ko
ki nasrii.n apnii KHushbuu ra.ng bholii nastaran apnaa

Hasrat Mohani

sher

shab miraa shor-e-girya sun ke kahaa
mai.n to is Gul meñ so nahii.n saktaa

Ehsanullah Khan Bayan

sher

kuchh aavaaze.n aatii hai.n sunsaan shab me.n
ab un se bhii KHaalii bayaabaa.n hu.e hai.n

Riyaz Khairabadi

sher

roz-o-shab kis tarah basar mai.n karuu.n
Gam tiraa ab to jii hii khaataa hai

Khwaja Meer Asar

sher

mushtark shab se hu.aa KHuun-e-jigar ashko.n me.n
raat se ra.ng badalne lage aa.nsuu apnaa

Rind Lakhnavi

sher

vasl kii shab ho chukii ruKHsat qamar hone lagaa
aaftaab-e-roz-e-mahshar jalva-gar hone lagaa

Kishan Singh Arif

sher

baras KHudaa ke liye mujh par ai sahaab-e-karam
ki terii aas pe phir ik gunaah kartaa huu.n

Wali Warsi

sher

balaa hai qabr kii shab is se ba.Dh ke hashr ke din
na aa.uu.n hosh me.n itnii mujhe pilaa denaa

Riyaz Khairabadi

sher

us parde me.n to kitne garebaan chaak hai.n
vo be-hijaab ho.n to KHudaa jaane kyaa na ho

Bedam Shah Warsi

sher

vasl me.n gesuu-e-shab-guu.n ne chhupaa.ii aariz
lailatul-qadr me.n kyuu.n chaa.nd nikalne na diyaa

Kausar Khairabadi

sher

nazar-afzo.ii-e-sham-e-tajallii ai zahe-qismat
kahaa.n bazm-e-jamaal un kii kahaa.n parvaangii apnii

Zaki Warsi

sher

dikhaa mujh ko diidaar ai gul-ezaar
tujhe apne baaG-e-iram kii qasam

Kishan Singh Arif