sher

aap apne dekhne ke vaaste
ham ko aa.iina banaayaa yaar ne

Shah Niyaz Ahmad Barelvi

sher

niistii hastii hai yaaro aur hastii kuchh nahii.n
be-KHudii mastii hai yaaro aur mastii kuchh nahii.n

Shah Niyaz Ahmad Barelvi

sher

hotaa na agar us ke tamaashe me.n tahayyur
hairat se mai.n aa.iina-e-namat-e-da.ng na hotaa

Shah Niyaz Ahmad Barelvi

sher

chaadar se mauj ke na chhupe chehra aap kaa
burqa habaab kaa na ho burqa habaab kaa

Shah Niyaz Ahmad Barelvi

sher

suurat-e-gul me.n khilkhilaa ke ha.nsaa
shakl-e-bulbul me.n chahchahaa dekhaa

Shah Niyaz Ahmad Barelvi

sher

ham ko yaa.n dar-dar phiraayaa yaar ne
laa-makaa.n me.n ghar banaayaa yaar ne

Shah Niyaz Ahmad Barelvi

sher

jaan jaatii hai chalii dekh ke ye mausam-e-gul
hijar-o-furqat kaa mirii jaan ye gulfaam nahii.n

Shah Niyaz Ahmad Barelvi

sher

hijr kii jo musiibate.n arz kii.n us ke saamne
naaz-o-adaa se muskuraa kahne lagaa jo ho so ho

Shah Niyaz Ahmad Barelvi

sher

nukta-e-iimaan se vaaqif ho
chehra-e-yaar jaa-ba-jaa dekhaa

Shah Niyaz Ahmad Barelvi

sher

KHvaaja-e-laa-makaan-o-quds-muqaam
aasmaa.n aastaa.n mu.inuddiin

Shah Niyaz Ahmad Barelvi

sher

laayaa tumhaare paas huu.n yaa piir al-Giyaas
kar aah ke qalam se mai.n tahriir al-Giyaas

Shah Niyaz Ahmad Barelvi

sher

tuu ne apnaa jalva dikhaane ko jo naqaab mu.nh se uThaa diyaa
vahii.n hairat-e-be-KHudii ne mujhe aa.iina saa dikhaa diyaa

Shah Niyaz Ahmad Barelvi

sher

tuu ne apnaa jalva dikhaane ko jo naqaab mu.nh se uThaa diyaa
vahii.n hairat-e-be-KHudii ne mujhe aa.iina saa dikhaa diyaa

Shah Niyaz Ahmad Barelvi

sher

apnī qismat pe farishtoñ kī tarah naaz karūñ
mujh pe ho jaa.e agar chashm-e-ināyat terī

Fana Bulandshahri

sher

tere nain-e-pur-KHumaar kuu.n sarmast-e-baada-naaz
yaa be-KHudii kaa jaam yaa sahar-e-balaa kahuu.n

Qadir Bakhsh Bedil

sher

Gair ke sau naaz tum par aur mujh par aap ke
aap dabte jaa.iye mujh ko dabaate jaa.iye

Raqim Dehlvi

sher

har adaa naaz me.n hai nok-chauk us ke 'firaaq'
khub ga.ii jii me.n hamaare yaar kii baa.nkii tarah

Hakeem Sanaullah Khan

sher

ishq me.n puujtaa huu.n qibla-o-ka.aba apnaa
ek pal dil ko mire us ke bin aaraam nahii.n

Shah Niyaz Ahmad Barelvi

sher

har naaz tiraa ye kahtaa hai har ek adaa se zaahir hai
kahne ko tiraa aashiq huu.n magar tuu aur nahii.n mai.n aur nahii.n

sher

halaak-e-teG-e-jafaa yaa shahiid-e-naaz kare
tiraa karam hai jise jaise sarfaraaz kare

Bedam Shah Warsi